Muammoli vaziyat

1-muammoli vaziyat paydo bo'ldi. Paydo bo'lgan vaziyatning muhokamasi sinfda quyidagicha o'tadi.

O'qituvchi: “Avvalo o'zimizga shunday savol beraylik: Qanday fizikaviy sabab zanjirning g'altakli qismida tokning o'sishiga to'sqinlik qiladi?”

Talabalar: Manbaning EYUK (elektr yurituvchi kuch) va zanjirning aktiv qarshiligi o'zgarmasligi sababli. Buning sababi faqat zanjirni ulaganda qisqa muddatga paydo bo'ladigan va manbaning EYUK iga qarama qarshi ishoraga ega bo'lgan induksiya EYUK i bo'lishi mumkin.

O'qituvchi: «Berk konturda induksiya EYUK ni paydo bo'lishligini umumiy shartlarini eslab ko'raylik».

Talabalar: Buning asosiy sharti konturni kesib o'tuvchi magnit oqimining o'zgarishi hisoblanadi.

O'qituvchi: “Bizning tajribamizda o'zgaruvchan magnit oqimi qanday hosil bo'ladi?”.

Bu savol talabalarni yana biroz o'ylantiradi. Chunki ular shu narsani bilishadiki, induksiya EYUK ni hosil qiluvchi o'zgaruvchan maydon zanjirdan tashqaridagi manba hisobidan bo'lib u, yoki tashqaridagi magnit, yoki tashqaridagi boshqa zanjirdan o'tayotgan tok bo'lishi mumkin.