Муаммоли маруза матни молия фанидан

Суғурталовчи - суғуртани амалга оширувчи ихтисослаштирилган ташкилот.
Суғурта қилдирувчи - суғурта бадалларини тўловчи ва конкрет суғурта муносабатларида қатнашувчи жисмоний ёки ҳуқуқий шахс.
Суғурталанувчи - ҳаёти, соғлиги ёки меҳнатга лаёқати суғурта объекти бўлган шахс.
Суғурта объекти ва предметлари - суғурталашга тегишли бўлган моддий қийматликлар, инсон ҳаёти, соғлиги, меҳнатга лаёқати, жавобгарликлар ва маъсулиятлар.
Суғурта маъсулияти - суғурталовчининг суғурта холатлари рўй берганда суғурта қопламалари ёки суғурта суммаларини тўлаш бўйича мажбурияти.
Суғурта гувоҳномаси - суғурта амалга оширилганлигини тасдиқловчи хужжат.
Суғурта таърифи - суғурта суммасига нисбатан фоиз ставкаси.
Суғурта бадали - суғурта суммасига нисбатан белгиланган суғурта таърифи бўйича пул тўлови.
Суғурта муддати - суғурта объектининг суғурталанган даври.
Суғурта холати - суғурта қопламаси ёки суғурта суммаси тўланиши керак бўлган турли салбий ва бошқа келишйлган оқибатларга олиб келувчи ҳақиқатда содир бўлган холатлар.
Суғурта далолатномаси - ўрнатилган тартибда расмийлаштириладиган ва. содир бўлган суғурта холатини ҳамда сабабларини тасдиқловчи хужжат.
Суғурта портфели - суғурта компанияси томонидан олинган бадаллар йиғиндиси ёки тузилган ва тўланган шартномалар сони.
Суғурта қоидалари -иҳтиёрий суғурта шартларини белгиловчи меъёрий хужжатлардан бири.
Суғурта бозори - суғурта хизматлари олди-сотдиси бўйича иқтисодий муносабатдар тизими.
Суғурта - кўрилиши мумкин бўлган зарарларни манфаатдор жисмоний ҳуқуқий шахслар ўртасида қоплаш.
Суғурта суммаси - суғурта объектини хақиқатда суғурталанган қисмининг пул шаклидаги хажми.