Муҳаммад ал-хоразмий номидаги тошкент ахборот технологиялари университети телекоммуникация технологиялари факультети

ЎЗБЕКИСТОН РЕСПУБЛИКАСИ АХБОРОТ ТЕХНОЛОГИЯЛАРИ ВА КОММУНИКАЦИЯЛАРИНИ РИВОЖЛАНТИРИШ ВАЗИРЛИГИ
МУҲАММАД АЛ-ХОРАЗМИЙ НОМИДАГИ ТОШКЕНТ АХБОРОТ
ТЕХНОЛОГИЯЛАРИ УНИВЕРСИТЕТИ
ТЕЛЕКОММУНИКАЦИЯ ТЕХНОЛОГИЯЛАРИ ФАКУЛЬТЕТИ
Телерадиоэшиттириш тизимлари кафедраси
«РАДИОЭШИТТИРИШ»
фанидан амалий машғулотларни бажариш учун
ўқув-услубий қўлланма

Тошкент 2019
Муаллифлар:
Ибрагимов Дониёр Бахтиярович
Газиев Хушнуд Гайбуллаевич

Ушбу ўқув-услубий қўлланмада электр ва акустик сатҳлар, товушни амплитуда бўйича қабул қилиш, товуш баландлиги, баландлик сатҳи, механик тизимлар, микрофон ва радиокарнайлар, товуш ютувчи материаллар, реверберация, эквивалент реверберация вақти, радиоэшиттириш трактларининг структура схемаси, структура схема бўйича сатҳ диаграммаларини ҳисоблаш ва тузиш, сатҳ чеклагич, шовқин бостирувчи курилмалар, сатҳ ўлчагичларнинг структура схемалари, магнит ёзувидаги йўқолишлар каби амалий машғулотлардан иборат.

Ўқув-услубий қўлланма олий ўқув юртининг 5350100 – Телекоммуникация технологиялари (Телерадиоэшиттириш) таълим йўналиши талабалари учун мўлжалланган.
Тақризчилар: “Телерадиоэшиттириш тизимлари” кафедраси
профессори Т.Г. Рахимов
РРТМ ДУК маслаҳатчиси Б.К. Абидов


КИРИШ

“Радиоэшиттириш” фани 5350100 – Телекоммуникация технологиялари таълим йўналишида бакалаврлар тайёрлашда ихтисослик фанлари блокидан ўрин олган. Қўлланманинг иккинчи нашри тўғриланган ва тўлдирилган.

Амалий машғулотлардан кўзланган мақсад талабаларнинг маъруза ва лаборатория ишлари натижасида олган билимларини мустаҳкамлаш, дастур мавзуларига мос келадиган масалалар ечиш, турли ўзгартиргичларнинг механик, электр ва акустик ўхшашлик схемаларини тузиш, таҳлил қилиш бу билан энергияни бир турдан иккинчи турга ўзгартириш усулларини ўрганишдир. Структура схема бўйича сатҳ диаграммаларини ҳисоблаш ва чизиш, қўшимча коммутацияланадиган, ҳамда сигнал сатҳларини ўлчаш ва назорат этиш нуқталарини аниқлаш масалаларига аҳамият берилади. Бу борада қўлланмада фаннинг I ва II қисми боблари мавзуларига мос мисол ва масалалар ечимига батафсил тушунтириш берилиши, амалиёт дарсларида персонал компьютерлардан фойдаланиш талабаларнинг чуқур билим олишига кафолат беради.
Албатта қўлланмада тавсия этилган адабиётлардан тўғри ва унумли фойдаланишни унутмаслик зарур.