Motivatsion xat

Motivatsion xat

• 
  Har bir insonning hayotdagi eng oliy maqsadi yaxshi umrguzaronlik qilish, ota-onasini rozi qilish, oʻzi tanlagan sohaning yetuk mutaxassisi boʻlish hisoblanadi. Inson shu yashagan umri davomida boshqalarga oʻrnak boʻlib yashasa nur ustiga aʼlo nur. Hayotda inson oʻz oʻrniga ega boʻlishi uchun tanlagan kasbi yoki hunarini mutaxassisi boʻlishi kerak. Oʻzi tanlagan soha bilimlarini puxta egallagan boʻlishi lozim. Kamina umrimni deyarli 10 yilini aniq fanlarga baxshida etdim. Aniq fanlarga qiziqishi tufayli axborot texnologiyalari sohasini tanlaganman. Hammaga maʼlumki bu soha kundan-kunga rivojlanib, taraqqiy etib bormoqda. Kelajagi bor soha. Aynan nega bu sohani tanlashimning asosiy sabablaridan biri mana shu. Kelajakda bu sohani mukammal oʻrganib odamlarni mushkulini oson qiladigan va vatanimiz rivojiga hissa qoʻshadigan katta proyektlar qilmoqchiman. Xulosa qilib aytganda bu sohani oʻrganish va uni yoshlarga oʻrgatish, shu soha mutaxassisi boʻlish va foydali prayektlar qilish oldimga qoʻygan asosiy maqsadlaridan biridir.
  
• 
  Bu grant axborot texnologiyalari (keyingi o’rinlarda IT deb yozaman)ni oʻrganish istagida bolgan har bir o’rganuvchi uchun katta imkoniyat beradi. To’gri IT kurslari shahrimizda juda kop, deyarli har bir burchagida bor. Lekin hammaga maʼlumki IT kurslarning toʻlovlari boshqa kurslarnikiga qaraganda ancha qimmatroq. Bu esa har bir oʻrganuvchining oldidagi juda katta bo’lmasa ham oʻziga xos muammo. IT sohasini oʻrganishni xohlaydigan uquvi bor yoshlar talaygina, ammo, hamma oʻrganuvchilarning ham IT maktablar yoki IT oʻquv markazlari so’ragan tolovni amalga oshirishga sharoiti yoʻq.
  
• 
  Bu grantiesa bunday yoshlarga katta imkoniyat taqdim etadi. Shu jumladan, bu grant oʻzimga ham katta imkoniyatlar eshigini ochib berdi. Bu grant faqat mablagʻ tomondan oʻrganuvchilarga yordam berib qolmasdan ularda oʻrganishga boʻlgan ishtiyoqini yanada oshirdi. Chunki o’rganayotgan sohangizda qulaylik yaratilsa shu sohani oʻrganishga boʻlgan ishtiyoqingiz yanada ortadi. Shu jumladan oʻzim ham bu grantni qoʻlga kiritish uchun astoydil harakat qilyapman.
  

• 
  Bu yo'nalishni tugatganimdan keyin, oʻrgangan yo’nalishim boyicha ish faoliyatimni boshlashni maqsad qilganman. Keyinchalik faqat bu bilan cheklanib qolmasdan boshqa yo’nalishlarni ham mukammal oʻrganib, jahonning tajribali dasturchilar bilan bir jamoada ishlab, ular bilan tajriba almashib, katta proektlar boshlashni niyat qilganman. Albatta bu natijalarga erishish uchun insondan mehnat, sabr va matonat talab etiladi. Bir narsani xohlardimki, bizni oʻzbek dasturchilari IT sohasiga oid dunyo dasturchilaridan ko'proq bilimga ega bo'lishlarini. Zeroki dunyo hisob-kitob fanining asoschisi Muhammad Muso al- Xorazmiy bizning diyoridan yetishib chiqqan. Shunday ekan uning avlodlari ham bu bilim borasida dunyoda birinchilardan bolishi kerak.