Motivaciyalawda qollanilatug’in usillar

Motivaciya eki ta’repleme boladi, sebebi:

• Insan ha’m gruppanin’ mu’tajlikleri, keypiyati, a’depliligin esapqa alip, na’tiyjeli jumis islewge iytermelewshi jag’daylar ha’m sebeplerin aniqlaw ha’m qanaatlandiriw qurali;
• Fizikaliq yamasa ruwxiy jetispewshilik yaki mu’tajlikten baslanip, ha’reketlerdi ku’sheytetug’in, maqsetke erisiwge yamasa siyliq aliwg’a qiziqtiratug’in process tu’rinde ko’rip shig’iw mu’mkin.

Sonin’ menen birge motivaciya processin izbe-iz keletug’in to’mendegi basqishlar ja’rdeminde de iske asiriwg’a boladi:

- mu’tajliktin’ kelip shig’iwi;

• mu’tajlikti qanaatlandiriw jollarin izlew;
• maqsetti belgilew
• mu’tajlikti qanaatlandiriw ushin za’rur bolg’an ha’reketlerdi orinlaw;
• ha’reketlerdi iske asirg’anlig’i ushin siyliqlaw;
• mu’tajlikti qanaatlandiriw, saplastiriw.

Motivler

Motivler- insandi ha’reket islewge iytermeleytug’in, ne islew ha’m oni qalayinsha orinlawdi belgilep beretug’in, insannin’ oyinan ketpeytug’in ha’m ha’r kimde ha’r qiyli formada iske asatug’in qa’siyet.

Motivlestiriw- insanda qatan’ motivlerdi oyatiw joli menen oni qatan’ ha’reketlerdi orinlawg’a iytermelew maqsetinde usi insang’a ta’sir etiw processi bolip esaplanadi.

Xoshametlew

Xoshametlew- adamlardi motivaciyalaw ushin qatan’ belgilengen xoshametlewlerden paydalaniw processinen ibarat. Xoshametlewdin’ motivlestiriwden ayirmashilig’i sonnan ibarat, ol motivlestiriwge ja’rdem beretug’in qurallardin’ biri bolip esaplanadi.

Xoshametlewler- qatan’ motivlestiriwshi ha’reketlerdi shaqiriwshi ta’sir etiw richaglari yamasa qozg’atiw qurallari bolip esaplanadi.

Motivaciya teoriyalari

Motivaciya processi, en’ da’slep motivaciya teoriyalarinin’ mazmunin bildiredi. Bul teoriyalarda, a’sirese, jumistin’ ko’lemi ha’m tu’rin belgilewde adamlardi ha’reketke iytermelewshi tiykarg’i mu’tajlikler aniqlanadi ha’m analiz islenedi.