Moslashish va vakolat

Madaniyatga moslashish kommunikatsiya sifatida. Madaniyatga moslashishning asosida kommunikativ jarayon yotadi. Xuddi shunga o‘xshash mahalliy aholi ham bir-biri bilan o‘zaro munosabatlar orqali o‘zining madaniy xususiyatlarini egallab boradi, o‘z navbatida boshqa joydan kelganlar ham yangi madaniy sharoitlar bilan tanishadi va muloqot orqali yangi malakalarga ega bo‘lishadi. Shuning uchun madaniyatga moslashish jarayoniga yangi madaniyatda kommunikativ qobiliyatlarni egallash sifatida qarash mumkin. Kishilar muntazam muloqot orqali yangi sharoit uchun kerakli bo‘lgan narsalarni o‘zlashtirib boradilar.

Muloqot kishining o‘rab olgan atrof-muhit bilan o‘zaro munosabati ko‘rsatadi. Zero, bu jarayonda faol qatnashishga intilayotgan har bir individga o‘ziga xos ochiq tizim sifatida qarash mumkin. Mazkur o‘zaro munosabatlar birbiri bilan chambarchas bog‘langan ikki jarayon – shaxsiy va ijtimoiy muloqotdan tarkib topadi. Bu muloqot chog‘ida xabarlarni qabul qilish, qayta ishlashning yuz berishi, insonni o‘rab olgan obyektlar va kishilarga qaratilgan harakatlarining amalga oshishi bilan bog‘liq bo‘ladi. Mazkur jarayonda shaxs qabul qilingan xabardan foydalangan holda, uni o‘rab olgan muhitga moslashadi.