Morfologiyaga kirish

ba-:batafsil, badavlat, bahaybat;
be-: bexavotir, beg'ubor, befarosat;
no-: noumid, noqulay, norozi;
ser-: serzavq, sergap, serhosil.
Shuningdek, kam qo'llaniluvchibadfe'l, badjahl, badnafs, xushxabar, xushro'y, xushvaqt, hamfikr, hamshahar, hamsuhbatsingari so'z yasalishi holatlari ham mavjud.
ba-,ser- qo'shimchalari, asosan, otga qo'shilib, asosdan anglashilgan belgi- xususiyatning me’yordan ortiq, ko'p ekanligini bildirsa, be-; no-qo'shimchalari xuddi shu narsalarga ega emaslikni anglatadi. Solishtiring: baquvvat, serma’no, behayo, noo'rin.
Mazkur qo'shimchalar -li,-siz,-dor qo'shimchalari bilan sinonimik munosabatida bo'la oladi.
Masalan, badavlat - davlatli. beqiyos-qiyossiz, noo’rin-o'rinsiz, sertashvish- tashvishli, serhosil – hosildor.
Ba’zi so`zlarda mazkur qo`shimchalarni sinonimlari bilan almashtirib bo`lmaydi. Masalan, nomard – mardsiz, serdaraxt – daraxtli tarzida ishlatib bo`lmaydi.
be- qo`shimchasini ba’zi so`zlarda –siz qo`shimchasi bilan almashtirib bo`lmaydi,chunki so`zlarning lug`aviy ma’nosi o`zgarib ketadi. Masalan, bebosh – boshsiz, bechora – chorasiz kabi.
QO'SHIMCHALARDA SHAKLDOSHLIК
Shakldoshlik nafaqat leksemalarga, balki qo'shimchalarga ham xos xususiyat sanaladi. Qo'shimchalarning ayrimlari ifodalanishiga ko'ra aynan bir-biriga o‘xshasa-da, mazmun-mohiyati bilan keskin farqlanadi.
Masalan, -in qo'shimchasi ot, sifat, ravish yasaydi (ot, sifat, ravish yasaganda so'z yasovchi qo'shimcha vazifasini bajaradi), fe'lning o'zlik va majhul nisbatini (fe'l nisbatini yasaganda lug'aviy shakl yasovchi qo'shim­cha vazifasini bajaradi) yasaydi.