Moliyaviy tahlilning axborot manbalari

Moliyaviy tahlilning axborot manbalari

REJA:

1. 
   Moliyaviy hisobotni tuzishda milliy va xalqaro standartlarning moliyaviy hisobot mazmuniga ta’siri.
   
2. 
   Moliyaviy tahlilni muammoli jihatlari (davriy oraliqdagi qiyosiylik, turli korxonalar о‘rtasidagi qiyosiylik, axborot operativligi muammolari).
   
3. 
   Auditor xulosalarini kо‘rib chiqish. Auditdan о‘tkazilmagan hisobotlar.
   

Moliyaviy hisobotni tuzishda milliy va xalqaro standartlarning moliyaviy hisobot mazmuniga ta’siri

Mamlakatimizning xalqaro hamjamiyatga integratsiyalashuvi, xalqaro iqtisodiy munosabatlarning faollashuvi, chet el investitsiyalarining mamlakatimiz iqtisodiyotiga keng jalb etilishi xо‘jalik yurituvchi subyektlarga buxgalteriya hisobini yuritish va moliyaviy hisobot tuzishni ham jahon standartlari talablariga javob beradigan darajada tashkil etish talabini qо‘ymoqda.

Bu esa, moliyaviy hisobotning xalqaro standartlariga tayanilgan,
«Buxgalteriya hisobi tо‘g‘risida»gi Qonun va boshqa meyoriy hujjatlarga asoslangan. Buxgalteriya hisobining milliy standart (BHMS) larini ishlab chiqish zaruriyatini paydo qiladi. Ushbu standartlar buxgalteriya hisobi shakllari va usullarini tanlashda korxonalarning mustaqilligini ta’minlaydi.
Ma’lumki, har bir mamlakatning о‘ziga xos hisob tizimi va hisobot tuzish usullari mavjud. Lekin kapitalning bir necha mamlakatlar miqyosida faoliyat kо‘rsata boshlashi natijasida xalqaro hisob standartlarini ishlab chiqish zaruriyati paydo bо‘ldi. Ushbu masalani hal qilish va yuzaga kelgan muammolarni bartaraf etish maqsadida 1973 yilda moliyaviy hisobotning xalqaro standartlari bо‘yicha qо‘mita tashkil etilib, qо‘mita tomonidan 2011 yil 21 fevral holatiga “Moliyaviy hisobotning xalqaro standarti” nomli 36 ta xalqaro standarti ishlab chiqilgan. Bundan tashqari yuqoridagi standartlarga 18 nomdagi tushuntirishlar hamda 11 nomdagi izohlar ishlab chiqilgan. Xalqaro standartlarda belgilangan qoidalar tavsiyaviy tavsifga ega bо‘lib hisoblanadi.
О‘zbekiston Respublikasida buxgalteriya hisobi va hisoboti rahbarlik qilish, buxgalteriya hisobining milliy standartlarini ishlab chiqish va tasdiqlash Moliya vazirligi zimmasiga yuklangan. Moliya vazirligi buxgalteriya hisobini tashkil etish va moliyaviy hisobot tuzishda ularni xalqaro standartlarga muvofiqlashtirish yо‘nalishida ishlar olib bormoqda.
О‘zbekiston Respublikasi Moliya vazirligi tomonidan bugungi kungacha 0 dan 24-songacha bо‘lgan buxgalteriya hisobining milliy standartlari ishlab chiqilib tasdiqlangan. Ularda hisob yuritishning asosiy tamoyillari va qoidalari mujassamlashgan shu vaqtgacha tasdiqlangan va amaliyotda qо‘llanilayotgan buxgalteriya hisobi standartlari quyidagilar.О‘zbekiston Respublikasining xalqaro amaliyotda qabul qilingan hisob va statistika tizimiga о‘tish bо‘yicha qator tadbirlar majmui amalga oshirib kelinmoqda.