Молиявий натижалар ҳисобининг аҳамияти ва вазифалари

9700-«Фавқулодда фойда ва зарарлар» ҳисобварағи бўйича ҳисобварақлар корреспонденцияси

№	Хўжалик муомалаларининг мазмуни	Ҳисобварақлар корреспонденцияси
		дебет	кредит
1.	Табиий офатлар натижасида жиҳозлар ва материаллар ортиқчалигининг аниқланиши	0710-0720, 0810-0890, 1010-1090	9710
2.	Табиий офатлар натижасида товарлар ортиқчалигининг аниқланиши	2910	9710
3.	Табиий офатлар натижасида жиҳозлар ва материаллар камомадининг аниқланиши	9720	0710-0720, 0810-0820, 1010-1090
4.	Табиий офатлар бўйича харажатларнинг тўланиши	9720	5010, 5110, 5210
5.	Ҳисобот даври охирида фавқулодда фойданинг якуний молиявий натижага ўтказилиши	9710	9900
6.	Ҳисобот даври охирида фавқулодда зарарнинг якуний молиявий натижага ўтказилиши	9900	9720

9. Якуний молиявий натижа ҳисоби
Якуний молиявий натижа - бу корхонанинг ҳисобот даврида жами фаолият турларидан олинган даромадлари билан жами фаолият бўйича кўрилган зарарларининг фарқидир.
Якуний молиявий натижа бухгалтерия ҳисобида 9900-«Якуний молиявий натижа» ҳисобварағида ҳисобга олиб борилади. Ушбу ҳисобварақ транзит бўлиб, актив-пассив ҳисобварақ характерига эга. Ҳисобварақнинг дебетида зарарлар, кредитида эса фойда акс эттирилади. Ушбу ҳисобварақнинг дебет ва кредит оборотларининг фарқи корхонанинг ҳисобот йилидаги молиявий натижасини, яъни солиқ тўлангунга қадар бўлган фойдасини акс эттиради. Ҳисобот йилининг охирида 9810-«Даромад (фойда) солиғи бўйича харажатлар», 9820-«Бошқа солиқ ва йиЁимлар бўйича харажатлар» ҳисобварақларида фойда (даромад)дан ҳисобланган умумий сумма акс эттирилади. Ҳисобот даврида ҳисобланган солиқ ва йиЁимлар суммаси қуйидаги проводка орқали чегириб ташланади:
Д-т 9900-«Якуний молиявий натижа»
К-т 9810, 9820.
Ушбу муомаладан сўнг 9900-«Якуний молиявий натижа» ҳисобварағида қолган сумма корхонанинг ҳисобот йилида олган соф фойда (ёки зарар)ини англатади ва ушбу сумма қуйидаги проводка орқали 8710-«Ҳисобот даврининг тақсимланмаган фойдаси (қопланмаган зарари)» ҳисобварағига ўтказилади:
- соф фойда суммасига:
Д-т 9900-«Якуний молиявий натижа»
К-т 8710-«Ҳисобот даврининг тақсимланмаган фойдаси (қопланмаган зарари)»
- зарар суммасига:
Д-т 8710-«Ҳисобот даврининг тақсимланмаган фойдаси (қопланмаган зарари)»
К-т 9900-«Якуний молиявий натижа».