Молиявий ҳисобот ва унинг таркиби, Молиявий ҳисобот ахборотидан фойдаланувчилар

МОЛИЯВИЙ ҲИСОБОТНИНГ ТУРЛАРИ 
ВА ТАРКИБИ
Республикамизнинг бухгалтерия ҳисоби тўғрисида қонуни ҳамда
номлари олдинги параграфда эътироф этилган қонуности меъёрий-
ҳуқуқий хужжатларга асосан молиявий ҳисобот чораклик, ярим йиллик
ва йиллик ҳисоботларга бўлинади. Уларда маълумотлар йил бошидан
ўсиб бориш тартибида кўрсатилади ва мос равишда чораклик, ярим
йиллик, тўққиз ойлик ва йиллик фаолият натижаларини кўрсатади.
“Молиявий ҳисобот шаклларини тўлдириш бўйича қоидалар”га
мувофиқ молиявий ҳисоботнинг таркиби ҳисобот даврлари бўйича ўз
ичига қуйидаги ҳисобот шаклларини олади (11.1-жадвалга қаранг).
Молия вазирининг 2012 йил 12 сентябрдаги 68-сон буйруғига асосан
2012 йил 21 октябрдан бошлаб кичик корхоналар ва микрофирмалар
фақат бухгалтерия баланси - 1-сон шакл ҳамда молиявий натижалар
тўғрисида ҳисобот - 2-сон шаклдан иборат бўлган йиллик молиявий
ҳисоботни тақдим этадилар.

---

МОЛИЯВИЙ ҲИСОБОТНИНГ ТУРЛАРИ 
ВА ТАРКИБИ
Ҳисобот турлари
Ҳисобот шакллари
I. Йиллик
1. «Бухгалтерия баланси» (1-сонли шакл)
2. «Молиявий натижалар тўғрисида ҳисобот» (2-сонли шакл)
3. « Пул оқимлари тўғрисида ҳисобот» (4-сонли шакл)
4. «Хусусий капитал тўғрисида ҳисобот» (5-сонли шакл)
II. Ярим йиллик
1.«Бухгалтерия баланси» (1-сонли шакл)
2.«Молиявий натижалар тўғрисида ҳисобот» (2-сонли шакл)
3.« Пул оқимлари тўғрисида ҳисобот» (4-сонли шакл)
III. Чораклик
1.«Бухгалтерия баланси» (1-сонли шакл)
2.«Молиявий натижалар тўғрисида ҳисобот» (2-сонли шакл)
Ўзбекистон Республикасида молиявий ҳисобот шакллари

---

МОЛИЯВИЙ ҲИСОБОТНИНГ 
ТУРЛАРИ ВА ТАРКИБИ
Йиллик молиявий ҳисоботга қуйидаги иловалар қилинади:

Молиявий-хўжалик фаолияти кўрсаткичларига таъсир қилган
омилларни ўзида баён этувчи тушунтириш хати ва ҳисоботнинг
айрим моддалари бўйича тавсифли жадваллар;

Молиявий ҳисобот бўйича олинган холис аудиторлик хулосаси

Молиявий ҳисоботни кўриб чиқиш якунлари ва соф фойдани
тақсимлаш бўйича қарор;

Келгуси йил учун ҳисоб сиёсати.
Кичик бизнес корхоналарида молиявий ҳисобот шакллари фақат
йил якуни бўйича тузилади.

---