Молиявий ҳисобот кўрсаткичлари таҳлили

Нодавлат нотижорат ташкилотларнинг ташкилий-ҳуқуқий шакллари турлари қандай?

Нодавлат нотижорат ташкилотлари учун ҳисоб сиёсати ва унинг элементлари, жумладан, ишчи счётлар режаси, ҳужжатлаштириш ва ҳужжатлар айланмаси, харажатларни гуруҳлаш, активлар ва мажбуриятларни баҳолаш ҳамда молиявий ҳисоботларни тузиш бухгалтерия ҳисобини юритиш кетма-кетлиги бўлиб ҳисобланади.

Шунингдек, нодавлат нотижорат мақомидаги халқаро донорлик ва аҳолига беғараз ёрдам кўрсатувчи меҳр-мурувват ташкилотлари ҳамда ўзини ўзи бошқариш органлари – маҳалла фуқаролар йиғини сони кун сайин ошиб бормоқда.

Меъёрий-ҳуқуқий ҳужжатлар

• 2020 йил 24 февралдаги ПҚ-4611-сон «Молиявий ҳисоботнинг халқаро стандартларига ўтиш бўйича қўшимча чора-тадбирлар тўғрисида»ги
• 2018 йил 19 сентябрдаги ПҚ-3946-сон «Ўзбекистон Республикасида аудиторлик фаолиятини ривожлантириш чора-тадбирлари тўғрисида»ги Қарор
• Ўзбекистон Республикасининг 1999 йил 14 апрелдаги «Нодавлат нотижорат ташкилотлари тўғрисида»ги Қонуни
• Ўзбекистон Республикаси Бухгалтерия ҳисоби тўғрисидаги Қонун
• Ўзбекистон Республикаси Фуқаролик кодекси
• Ўзбекистон Республикаси Солиқ Кодекси

Нодавлат нотижорат ташкилоти — жисмоний ва юридик шахслар томонидан ихтиёрийлик асосида ташкил этилган, фойда олишни асосий фаолиятининг мақсади қилиб олмаган ва ўз устави доирасида қўшимча тадбиркорлик фаолияти билан шуғулланувчи ҳамда олинган фойдани ўз қатнашчилари (аъзолари) ўртасида тақсимламайдиган ўзини ўзи бошқарувчи юридик шахсдир.

ННТнинг мулкчилик шакли ва устав мақсадларига асосан ташкил этилишининг ўзаро боғлиқлиги.

ННТлар шакли	ННТ ташкил қилиш мақсади	ННТ ташкил этиш тартиби
Жамоат фондлари	Фуқаролар ва (ёки) юридик шахсларнинг хайрия, ижтимоий, маданий, маърифий ёки бошқа ижтимоий фойдали тадбирларни амалга ошириш.	Юридик ва жисмоний шахсларнинг ихтиёрий мулкий бадалларини қўшиш асосида ташкил этилади