Молиявий ҳисоб

11.3. Грантлар ва субсидиялар ҳисоби 
Хўжалик юритувчи субъектларга грантлар ҳукумат томонидан, турли 
нодавлат ташкилотлар, фондлар томонидан беғараз, гуманитар ёрдам 
тариқасида муҳим ижтимоий мақсадларда, иқтисодни ривожлантиришни 
рағбатлантириш учун, шунингдек илмий-техник ва инновацион 
дастурларни бажариш мақсадида келиб тушади. Грант маблағлари фақат 
белгиланган мақсадларда ишлатилиши лозим. 
Бухгалтерия ҳисобида грантлар ҳисоби ҳисоблаш тамойилига 
асосланган ҳолда олиб борилади. Ушбу тамойилга кўра грантлар келиб 
тушига қараб эмас, балки грант ажратилганлиги тўғрисида хабарномани
олинишига кўра ҳисобга олиниши лозим. Бу хабарнома асосида 
ажратилган грант суммасига 21-сон БҲМСда белгиланган тартибга 
мувофиқ қуйидагича ёзув қилинади: 
Дебет 4890 «Бошқа дебиторлар қарзлари» 
Кредит 8810 «Грантлар» 
Грантлар корхонага пул маблағлари, узоқ муддатли активлар, товар-
моддий бойликлар кўринишида келиб тушиши мумкин. Грант олиш 
бўйича тузилган шартнома асосида, шунингдек олинган грант суммасига 
гувоҳлик берувчи ҳужжатлар асосида уларнинг келиб тушиши ҳисобда 
қуйидагича акс эттирилади. 
Хорижий валютада олинган мақсадли тушумлар тегишли счётларда 
Марказий банкнинг ушбу маблағлар келиб тушган кунига эълон қилган 
курслари бўйича миллий валютада ҳисобга олинади. Грант ажратилган ва 
ҳақиқатда келиб тушган вақт ўртасида валюта курсидаги ўзгаришлар 
корхонада курс ўртасидаги фарқ сифатида қуйидагича акс эттирилади: 
Дебет 4890 «Бошқа дебиторлар қарзлари» 
Кредит 9540 «Валюта курслари фарқидан даромадлар» 
21-сон БҲМСга мувофиқ грантларни келиб тушишини счётларда 
акс эттириш тартиби 

---

№ 
Операциянинг 
мазмуни 
Сумма

 
Дебет