Молиявий инвестициялар ҳисоби Мовлонов Хусанжон

Фьючерс (инглизча fутуре сўзидан олинган бўлиб, келажак маъносини англатади) келишилган миқдордаги қимматликларни маълум вақт мобайнида битим тузиш вақтида белгиланган нархда етказиб бериш тўғрисидаги шартномаларни ўзида намоён қилади. Республикамиз амалиётида узоқ муддатли молиявий инвестицияларни йўналтиришнинг асосий воситаси акциядорлик жамиятларининг қимматли қоғозларини харид қилиш ҳисобланмоқда.

Инвестицияларни дисконтлаш

Инвестицион фаолиятнинг фаоллашувида инвесторлар муҳим роль ўйнайди. Инвестор ўз сармоясининг бирор-бир объектга йўналтирар экан, аввало, унинг маблағи келажакда қанчани ташкил этиши, яъни йўналтирган сармоясининг муайян даврдан сўнг қанча миқдорга тенг бўлиши қизиқтиради. Бунинг учун инвестор ўз маблағини дисконтлаши лозим. Дисконт баҳо ҳам инвестицияларни ҳисобга олишда кенг қўлланилади.

Молиявий ҳисоб-китобларда ҳамма вақт ва ҳар қандай шароитда ҳам бошланғич, ошган, чегирма ва устама сўммалари маълум бўлмайди. Бу муаммо дисконтлаш усулларини қўллаш билан ҳал этилади.

Дисконт – бошланғич сўммани ҳисоблаш, аниқлаш учун ошган қийматдан айириладиган чегирма сўммасидир. Дисконтлаш (устама ёзиш) – устамаларни ёзиш, аниқроғи, фоизларни ҳисоблаш демакдир.

Узоқ муддатли молиявий инвестициялар ҳаракатини ҳисобга олиш

Корхонада узоқ муддатли молиявий инвестициялар ҳисобини юритиш орқали қуйидагилар намоён бўлади:

- бошқа акционерлик жамиятларининг акцияларига ва бошқа субъектларнинг, шу жумладан, шўъба корхоналарнинг устав капиталларига оид узоқ муддатли инвестицияларнинг мавжудлиги ва ҳаракати;

- давлат ва маҳаллий облигациялар, сертификатлар ва тижорат банклари, хўжалик юритувчи субъектлар ҳамда тадбиркорлик тузилмаларининг шунга ўхшаш қимматли қоғозларига оид узоқ муддатли инвестициялар;

- субъектларга, ўзга хил тадбиркорлик тузилмаларига берилган узоқ муддатли пул ва бошқа кўринишдаги қарзларнинг ҳаракати ва қолдиқлари.

Узоқ муддатли молиявий инвестицияларга доир муомалаларни бухгалтерия ҳисобида акс эттириш учун счётлар режасида қуйидаги счётлар очилган: 0610-«Қимматли қоғозлар»; 0620-«Шўъба корхоналарга инвестициялар»; 0630-«Қарам бирлашмаларга инвестициялар»; 0640-«Қўшма корхоналарга инвестициялар»;