Молияни бошкариш органлари

ТОШКЕНТ ДАВЛАТ ИҚТИСОДИЁТ
УНИВЕРСИТЕТИ
“МОЛИЯ” ФАНИ
“Молиявий режалаштириш ва
тартибга солиш”
МАВЗУСИДАГИ ТАҚДИМОТИ
Тайёрлади: доц. Одилжон Комолов
Тошкент 2020
Молиявий режалаштириш ва унинг вазифалари
Молиявий режалаштиришни асосий босқичлари ва турлари
Молиявий башоратлаш
РЕЖА:

Умумий шаклда, режалаштириш истиқболга йўналтирилган қарорларни қабул қилиш бўйича фаолият деб талқин қилинади. Режалаштириш амалиётда режалиликни амалга оширишни, яъни мувозанатлилик ва мутаносибликка эришиш бўйича онгли фаолиятни билдиради. Шу маънода, молиявий ресурсларнинг мувозанатлигини ва мутаносиблигини таъминлашга қаратилган фаолиятга молиявий режалаштириш дейилади.

“Молиявий режалаштириш” тушунчаси ўз ичига қуйидагиларни олади:

• тараққиётнинг асосий тенденцияларини аниқлаш ва молиявий таҳлил қилиш;
• жалб қилинган маблағлар ва вақтинча бўш турган маблағларни жойлаштириш;
• фирма ичидаги молиявий натижалар ва пулларни режалаштириш, ҳисобга олиш ва назорат қилиш технологияси;
• инвестицион менежмент;
• капиталлар менежменти;
• фаолиятнинг бошқа кўринишлари (траст, факторинг, лизинг ва бошқалар).

Молиявий режалаштиришнинг асосий вазифалари :

• ишлаб чиқариш, инвестицион ва молиявий фаолиятларни керакли бўлган молиявий ресурслар билан таъминлаш;
• пул маблағларидан иқтисод қилиб, тежаб-тергаб фойдаланиш ҳисобидан корхонанинг фойдасини ошириш бўйича ички резервларни қидириб топиш;
• капитални самарали жойлаштириш йўлларини аниқлаш, ундан оқилона ва самарали фойдаланишни баҳолаш;
• корхонанинг молиявий аҳволи, тўловга қобиллиги ва кредитга лаёқатлилиги устидан назорат ўрнатиш.

Ҳозирги шароитдаги молиявий режалаштиришда барча зарурий ҳаракатларни олдиндан кўра билишгина эмас, балки тегишли ишларни амалга ошириш жараёнида юзага чиқиши мумкин бўлган ҳар қандай кутилмаган ҳолатларни олдиндан кўра олиш давр талабидир. Албатта, хўжалик юритувчи субъект ўз фаолиятидаги барча рискларга барҳам бераолмайди. Лекин у ана шу рискларни самарали олдиндан кўра билиш ёрдамида бошқариш имкониятига эга.