Moliya va kredit

4.4. Kodeksning 108-moddasining

- sakkizinchi qism quyidagi tahrirda bayon etildi:

Soliq to’lovchi tomonidan soliqqa oid bir necha huquqbuzarlik sodir etilgan taqdirda, jarima tarzidagi moliyaviy sanksiyalar uncha og’ir bo’lmagan moliyaviy sanksiyani og’irroq jarima bilan qamrab olish yoxud tayinlangan jarimalarni to’liq yoki qisman qo’shish orqali soliqqa oid huquqbuzarliklar majmui bo’yicha qo’llaniladi. Bunda jarimaning uzil-kesil miqdori jarimaning yuqori miqdori nazarda tutilgan huquqbuzarlik uchun belgilangan eng ko’p miqdordan oshishi mumkin emas.

- quyidagi to’qqizinchi qism bilan to’ldirildi:

Agar soliq to’lovchi birinchi ish bo’yicha qaror chiqarilguniga qadar soliqqa oid yana boshqa huquqbuzarliklar sodir etganligi ish bo’yicha qaror chiqarilganidan so’ng aniqlansa, ushbu moddaning sakkizinchi qismida nazarda tutilgan qoidalar bo’yicha jarima qo’llaniladi. Bu holda, sud tomonidan soliqqa oid huquqbuzarliklar majmui bo’yicha tayinlangan jarima miqdorida birinchi qaror bo’yicha to’langan jarimaning summasi hisobga olinadi.