Moliya tizimi

Raqamlashgan moliya tizimi deganda nimani tushunamiz?

Raqamlashgan moliya tizimi deganda nimani tushunamiz?

Moliya vazirligi tomonidan davlat budjeti mablag‘larini moliyalashtirishda har bir bosqichni nazorat qilish uchun barcha jarayonlar raqamlashtirilmoqda. Hozirgi kunda budjet tashkilotlari va budjetdan mablag‘ oluvchilar sarflangan mablag‘lar bo‘yicha hisobotni avtomatlashtirilgan tarzda topshiradi. 
Moliya tizimidagi barcha raqamlashtirish amaliyotlari Moliya vazirligi qoshidagi Axborot texnologiyalari markazi davlat unitar korxonasi tomonidan amalga oshiriladi. 
Endilikda axborot tizimlari orqali Moliya vazirligi tomonidan ajratilgan mablag‘larning o‘z vaqtida va maqsadli sarflanishini kuzatib borish hamda tezkor axborotga ega bo‘lish mumkin.

Moliya vazirligida O'zbekiston Respublikasining “Kapital bozori to'g'risida”gi qonun loyihasiga bag'ishlangan navbatdagi davra suhbati bo'lib o'tdi

Moliya vazirligida O'zbekiston Respublikasining “Kapital bozori to'g'risida”gi qonun loyihasiga bag'ishlangan navbatdagi davra suhbati bo'lib o'tdi

O'zbekiston Respublikasi Moliya vazirligi tomonidan O'zbekiston Respublikasi Prezidentining 2021-yil 13-apreldagi PF-6207-son Farmoniga muvofiq AQSh G'aznachiligi, AQSh savdo departamenti (AQSh kapital bozoridagi SEC, FINRA va CFTC kabi tartibga soluvchi organlarni jalb qilgan holda), Evropa tiklanish va taraqqiyot banki, Xalqaro moliya korporatsiyasi, Osiyo taraqqiyot banki, Islom taraqqiyot banki va BMT Taraqqiyot dasturi konsul`tantlari ko'magida Qimmatli qog'ozlar komissiyalari xalqaro tashkiloti (IOSCO) tamoyillariga asoslangan to'g'ridan-to'g'ri amal qiluvchi “Kapital bozori to'g'risida”gi qonun loyihasi ishlab chiqildi.
Mazkur tadbirda Odilbek Isakov tomonidan kapital bozorining qonunchilik bazasini takomillashtirish va uni amalga oshirishda olib borilayotgan sa'y-harakatlar to'g'risida ma'lumotlar berib o'tildi.
O'z navbatida, xalqaro hamkor tashklotlar tomonidan hosilalar (derivativlar), Islom moliyalashtirish tamoyillari asosidagi qimmatli qog'ozlar, jamoaviy investitsiya fondlari, ta'minlangan obligatsiya va sek`yuritizatsiya kabi yangi turdagi moliyaviy instrumentlarning joriy qilinishi va bu bo'yicha yangi qonun loyihasiga tegishli moddalar kiritilishi yuzasidan keng qamrovli ishlar olib borilayotganligi to'g'risida batafsil ma'lumotlar berildi.