«Молия» илмий журнали Ўзбекистон Республикаси Олий аттестация комис

3/2022
Статистика иши
салмоқни, яъни 13,4 фоизни (2020 йил) ташкил этса-да, ҳудудий ялпи қишлоқ 
хўжалиги маҳсулотининг мамлакат миқёсидаги улуши, кейинги 7 йил мобайнида 
9,1–9,7 фоиз атрофида сақланиб қолмоқда. Бунда албатта вилоятда суғориладиган 
ерларнинг қишлоқ хўжалиги ерларидаги улуши пастлиги, яъни 23,5 фоизни 
(01.01.2021 й.) ташкил этаётганлиги ҳамда лалми ва шартли суғориладиган ер 
майдонларининг мавжудлиги сабаб бўлаётганлигини таъкидлаш жоиздир. Албатта, 
табиат ва иқлим шароитларининг инжиқликлари каби омилларнинг салбий таъсир 
кўрсатаётганлигини ҳам эътиборга олиш зарур.
Қишлоқ хўжалигига яроқли ер майдонларининг самарадорлигини ошириб, 
маҳсулот ишлаб чиқаришни кўпайтириш мақсадида аграр секторда илғор замонавий 
прогрессив инновацион технологияларни ва агрокластер тизимини кенг жорий этиш 
мақсадга мувофиқдир.
3-жадвалда келтирилган илгарилаш коэффициентлари ЯҲМ бўйича
93,0 фоизни ва ҳудудий қишлоқ хўжалиги маҳсулоти бўйича эса 96,3 фоизни 
ташкил этганлиги вилоятдаги бу кўрсаткичлар республика даражасига нисбатан, 
мос равишда, 7,0 ва 3,7 фоиз бандга пастлигидан, ёки мамлакатда бу кўрсаткичлар 
вилоят кўрсаткичларига нисбатан 1,075 ва 1,039 мартага илгарилаганлигидан 
далолат беради. Албатта, бунда мамлакат ва ҳудудлар бўйича ҳисобланадиган 
кўрсаткичларнинг методологик асосларини эътиборга олиш лозимдир.
Вилоят қишлоқ хўжалиги тармоғининг деҳқончилик ва чорвачилик 
соҳаларида ишлаб чиқарилаётган маҳсулотлар ҳажмининг 2015–2021 йилларда 
таҳлили тармоқ соҳаларида сезиларли ўзгаришлар юз берганлигидан далолат 
беради. Хусусан, ялпи қишлоқ хўжалиги маҳсулотида деҳқончилик соҳасининг 
улуши 44,5 фоиздан 39,2 фоизгача пасайиб, чорвачилик соҳасининг улуши
55,5 фоиздан 60,8 фоизгача ортган (4-жадвал).
4-жадвал
Қашқадарё вилоятида қишлоқ хўжалиги маҳсулоти ҳажмининг тармоқ