Moliya” fakulteti “moliya” kafedrasi

Kirish
Kurs ishi mavzusining dolzarbligi. Mustaqil diyorimizda olib borilayotgan islohotlar samaradorligini yanada oshirish, davlat va jamiyatni har tomonlama rivojlantirish, mamlakatimizni modernizatsiya qilish, makroiqtisodiy barqarolikniyanada mustahkamlash sharoitida respublikamizda moliya-iqtisod sohasidagi, jumladan byudjet tizimidagi islohotlar ham rivojlanish yo’lidagi bir tarmoq sifatida naqadar muhimligi hozirgi kunning talabida o’z aksini topmoqda.
“Makroiqtisodiy barqarorlikni yanada mustahkamlash va iqtisodiy o’sishning yuqori sur’atlarini saqlab qolish, jumladan, Davlat budjeti barcha darajada mutanosib, milliy valyuta va ichki bozordagi narx darajasi barqaror bo’lishini ta’minlash - eng muhim ustuvor vazifamizdir” degan edilar muhtaram Prezidentimiz Shavkat Mirziyoyev.¹
Iqtisodiyotni barqaror o’sishida, budjet daromadlarini shakklantirilishida va amalga oshirilayotgan xarajatlarni nazorat qilinishi davlat byudjeti mablag’laridan oqilona foydalanish juda muhim ahamiyatga ega hisoblanadi. Bundan kelib chiqib O’zbekiston respublikasida iqtisodiyot tarmoqlari uchun yuqori malakali kadrlarni tayyorlash muhim vazifa hisoblanadi. Moliya sohasi bo’yicha talabalarni o’qitishda “Davlat Byudjet ” fani ham boshqa iqtisodiy fanlar bilan birgalikda o’qitilishi maqsadga muvofiq hisoblanadi.
Kurs ishi mavzusining maqsadi – Davlat buudjeti xarajatlarining umumiy mohiyati, hozirgi zamon ahamiyati va uning davlat iqtisodiy rivojlaninshi va boshqaruvida tutgan o’rnini tadqiq etish hamda bu yuzasidan xulosalarni shakllantirishdan iborat.
Kurs ishi mavzusining vazifalari. Qo’yilgan maqsadga erishish yo’lida quyidagi vazifalar belgilab olindi:
˗ Davlat byudjeti xarajatlari haqida tushuncha, uning mazmun-mohiyati va uning funksiyalari;
˗ Davlat byudjeti xarajatlari turlari va asosiy tamoyillari;
˗ Davlat byudjeti xarajatlari qo’llanishing xorijiy tajribalari va hozirgi zamon xususiyatlari haqida bilim hosil qilish.