Молия бозори ва биржа иши ўқув қўлланма

Эксперт–котировка
комиссияси қимматли қоғозларнинг биржа 
савдоларида котировка қшшнишига рухсат этилиши имкониятларини 
аниқлайди, листинг, делистинг, релистинг ва шу каби тадбирларни амалга 
оширади. 
Малака
комиссияси тегишли имтихонларни ўтказиш йўли билан 
брокерларга биржа савдоларида қатнашиш учун рухсат бериш 
имкониятларини аниқлайди. 
Низолар
бўйича комиссия савдоларни ўтказиш, битимларни ижро этиш 
жараёнида брокерлар ўртасида, брокерлар ва уларнинг мижозлари ўртасида, 
мижозлар ва биржанинг мутахассислари ўртасида юзага келадиган баҳсли 
вазиятларни ҳал этиш билан шу ғулланади. 
Интизомий
комиссия биржа савдоси қоидалари, устав ва биржанинг 
бошқа асосий ҳужжатлари бузкунчиларининг айбдорлик даражасини 
аниқлайди ҳамда тегишли жазоларни тайинлайди, жазоларнинг ижро 
этилишини назорат қилади. 
"Тошкент" Республика фонд биржаси республиканинг ҳар бир 
вилоятида ўзининг шуъба бўлинмасига эга. 
Асосий тушунча ва атамалар 
 
Фонд биржаси 
Тошкент «РФБ»
 
 
 
7.2. Фонд биржасининг аъзолари.
Листинг. Қимматли қоғозларнинг котировкаси 
Брокер ва дилер (маркет – мейкер)ларнинг фаолияти 
Биржадаги брокерлик жойи 

---

128 
Биржадаги брокерлик жойи деганда, фонд биржаси ўзининг тўла 
ҳуқуқли аъзосига яратиб бериши мумкин бўлган имкониятлар йиғиндиси 
тушунилади. Шулардан энг асосийси – биржа майдончасида қимматли 
қоғозларни ўз номидан ва ўз ҳисобидан ёки мижозлар ҳисобидан ҳамда 
уларнинг топшириғига кўра ҳарид қилиш ехуд сотиш имкониятидир. Сўзсиз, 
бундан ташқари, брокерлик жойларининг эгалари қимматли қоғозлар 
бозорининг қолган иштирокчиларидан фарқли равишда, бошқа кўпгина 
имкониятларга эга бўлишади. Қимматли қоғозлар, уларнинг эмитентлари, 
нархлари, брокер–қонтрагентлар ҳақида турли хил ахборотларни олиш, 
биржа фаолиятининг айрим жиҳатлари бўйича маслахатлар (масалан, 
баҳсларни ҳал этишда Низолар бўйича комиссия мутахассисларининг 
маслахатларини) олиш имкониятлари, зарур хужжатлардан нусхалар 
кўчириш, шартномаларни тўлдириш ва расмийлаштириш бўйича биржа 
хизматларидан фойдаланиш шулар жумласидандир. 
"Тошкент" РФБдаги брокерлик жойи номаълум муддатга сотиб 
олинади, яъни брокерлик жойини сотиб олиб (бир карралик бадални тўлаган 
ҳолда) унинг эгаси биржа томонидан унга қўйиладиган талабларга риоя 
қилган ҳолда биржа хизматларидан чегараланмаган муддатда фойдаланиши 
мумкин. Брокерлик жойига эгалик қилиш нинг бутун йили давомида биржа 
аъзолари унчалик катта бўлмаган суммадаги мунтазам аъзолик бадаллари 
тўлашади. Аъзоликнинг бундай тизими брокерлар учун жуда тежамли 
саналади. Бошқа мамлакатларда биржадаги аъзоликни сақлаб туриш учун ҳар 
ойда ёки ҳар йили рамзий эмас, балки жуда катта миқдордаги бадал 
тўланади. 
Брокерлик жойи сотиб олиниши, бегоналаштирилиши (сотилиши, 
совға қилиниши, мерос қилиниши, устав фондга ўтказилиши ва ҳ.к.), ижарага 
берилиши мумкин. У бўлинмайди. Унинг эгаси брокерлик жойининг бир 
қисмини бериши ёки сотиши мумкин эмас. Бир шахс фақат битга брокерлик 
жойига эгалик қилиши мумкин. Брокерлик жойлари учта усул билан сотиб 
олиниши мумкин: бевосита фонд биржасидан, биржа савдолари орқали, 
биржа савдоларисиз. 
Брокерлик жойини бевосита фонд биржасидан сотиб олиш. Мазкур 
усул ҳаридор томонидан брокерлик жойини сотиб олиш истаги тўғрисидаги 
аризанинг берилишини назарда тутади. Биржа ушбу аризани 10 кунлик 
муддатда кўриб чиқади. Бошқарув ижобий қарор қабул қилган ҳолларда 
биржа ва ҳаридор ўртасида шартнома тузилади. Шартномада томонларнинг 
хуқуқ ва мажбуриятлари, битимнинг айрим бошқа шартлари келишиб 
олинади. Брокерлик жойи уни ҳарид қилиш вақтида Бошқарув томонидан 
белгиланган нархда сотиб олинади. "Тошкент" биржасининг фонд бўлими ва 
"Тошкент" РФБнинг вужудга келиши даврида аксарият кўпчилик ҳолларда 
брокерлик жойлари бевосита биржадан сотиб олинди. 
Брокерлик жойини биржа савдолари орқали сотиб олиш. Бундай 
ҳолатда брокерлик жойини сотиб олишни истовчи шахс биржа савдоларига 
рухсат этилган брокер билан брокерлик жойини биржа савдоларида сотиб 
олиш тўғрисида топшириқ шартномасини тузади. Брокер томонидан 

---

129 
брокерлик жойини ҳарид қилиш тўғрисидаги топшириқ бажарилганидан сўнг 
ҳаридор брокерга (келишувларга кўра) ва фонд биржасига воситачилик 
ҳақини тўлайди. Брокерлик жойларини биржа савдолари орқали сотиш 
умумий асосларда "Тошкент" РФБда қимматли қоғозлар билан 
операцияларни бажаришнинг қоидаларига мувофиқ амалга оширилади. 
Брокерлик жойини биржа савдолари орқали сотишни хоҳловчи шахс фонд 
биржасига жойни савдоларга қўйиш ҳақидаги аризани, унинг нархи чўлиқ 
тўланганлигини тасдиқловчи хужжат (брокерлик жойига сертификат), мазкур 
жой замирида гаров мажбуриятларининг йўқлиги хақида кафолатномани 
тақдим этиши, шунингдек, фонд биржасини ўзининг олдидаги бирор–бир 
бажарилмаган мажбуриятларниш (бажарилган битимлар бўйича воситачилик 
хақлари, жарималар, пенялар ва ҳ.к.) йўқлигини тасдиқлаши зарур. Ушбу 
вазиятда брокерлик жойининг нархи сотувчи томонидан ихтиёрий равишда 
белгиланади. Брокерлик жойининг нархига қўшимча қиймат солиғи ҳам 
қўшилади. 
Брокерлик жойини биржа савдоларисиз ҳарид қилиш. Агар сотувчи ва 
ҳаридор бир–бирини мустақил равишда топса, олди–сотди битимини 
расмиилаштириш учун брокерлик жойининг биржа савдоларига қуйилиши 
талаб этилмайди. Улар ўртасида биржа томонидан тасдиқланган намунавий 
шакл бўйича брокерлик жойини олди–сотди шартномаси тузилади. Ушбу 
шартнома рўйхатга олиш ва брокерлик жойини қайта расмийлаштириш учун 
биржага топширилади. Бунда биржага шартномани биржада рўйхатга олиш 
вақтида биржанинг Бошқаруви томонидан белгиланган брокерлик жойи 
кийматининг ўрнатилган миқдорида рўйхатга олиш йиғими тўланади. 
Рўйхатга олиш йиғими биржага келишувларга кўра ё сотувчи томонидан, ё 
бўлмаса, ҳаридор томонидан тўланади. Ушбу ҳолат шартномада акс 
эттирилади ва бунда рўйхатга олиш йигимининг суммаси брокерлик 
жойининг қйматига киритилиши мумкин. 
Фонд биржасининг Бошқаруви инвестиция муассасаси сифатида 
фаолият кўрсатиш учун лицензияга эга бўлмаган ёки таркибида қимматли 
қоғозлар бўйича I ва II тоифали мутахассисга эга бўлмаган шахсга, 
шунингдек, аввал фонд биржаси аъзоларининг сафидан чиқарилган 
шахсларга, агар чиқарилгандан буен бир йилдан ортиқ вақт ўтмаган бўлса, 
брокерлик жойини сотиб олишга рухсат бермаслиги мумкин. 
Брокерлик жойининг бир шахсдан иккинчисига олди–сотди билан 
боғлиқ бўлмаган (ўтказиш, алмашиш, совга қилиш, мерос қолдириш) 
асосларда ўтказилишида унинг янги эгаси жойни ўз номига қайта 
расмийлаштириши шарт. Брокерлик жойини қайта расмийлаштиришда унинг 
янги эгаси биржага ариза, аввалги эгасининг брокерлик жойига эгалик қилиш 
хуқуқларини ўтказиш асосларини (олди–сотди, алмашиш, совка қилиш, устав 
фондига ўтказиш шартномасининг нусхасини), биржага рўйхатга олиш 
йиғимини ўтказганлик тўғрисида тўлов топшириқномасининг нусхасини 
тақдим этиши лозим. Брокерлик жойининг нархини тўлиқ тўлаган ҳаридор 
биржага аъзо бўлади. Брокерлик жойининг аввалги эгаси биржа аъзоси 
хуқуқларини йуқотади. 

---

130 
Брокерлик жойининг эгаси фонд биржасига ушбу жойни бир жанинг 
ўзи сотиб олиши ҳақидаги илтимос билан мурожаат этиш ҳуқуқига эга. 
Биржа мазкур жойни келишилган нархда сотиб олган ҳолда унинг 
илтимосини қондириши, ё бўлмаса, сабабини изоҳламаган ҳолда илтимосини 
қондирмаслиги ҳам мумкин. 
Брокерлик жойини ижарага бериш. Брокерлик жойи бир йилдан ортиқ 
муддатга ўзайтириш билан ижарага берилиши мумкин. Бунда ижарачи 
(ижарага олувчи) биржанинг вақтинчалик аъзоси мақомига эга бўлади. Бу 
шуни англатадики, ижара даври мобайнида ижарачи биржа аъзоларининг 
йигалишларида ва биржанинг Бошқаруви олдида фақат брокерлик жойи 
эгасининг ишонч қоғози оркали фонд биржаси аъзосининг манфаатларини 
ифода этиши мумкин. 
Ижарага берувчи ва ижарачи бир–бири билан биржанинг бошқаруви 
томонидан тасдиқланган намунавий шакл бўйича брокерлик жойининг 
ижараси ҳақида шартнома тузади. Унга кўра ижарачи қимматли коғозлар 
бозори тўғрисидаги амалдаги қонун хужжатла рига, биржа қоидаларига риоя 
қилиши, биржа билан хизматлар кўрсатилиши учун шартнома тузиши, 
тузилган битимлар бўйича воситачилик йиғимларини биржага ўз вақтида 
ўтказиши шарт. Ижара ҳақининг миқдори томонлар ўртасидаги 
келишувларга мувофиқ белгиланади. У қатъий ўзгармас миқдорда (масалан, 
ойига 5 минг сўм), ёки нисбий миқдорда ҳар бир тузилаётган битим 
суммасига нисбатан фоиз ҳисобида (масалан, ҳар бир битим бўйича 
воситачилик йирими суммасининг 7 фоизи), ёхуд иккала усулнинг 
уйғунлигида белгиланиши мумкин. Бунда мунтазам аъзолик бадалларини 
тўлаш ижарачи зиммасига юклатилади. Ижара шартномаси биржа томонидан 
рўйхатга олинади. 
Фонд биржаси аъзоларига савдоларга рухсат бериш фақат уларда 
қимматли қоғозлар билан операциялар қилиш учун лицензия мавжуд бўлиб, 
улар инвестиция муассасаси мақомига эга бўлган, шунингдек, брокерлик 
идораси биржада рўйхатга олинган ҳолларда амалга оширилади. Биржада 
брокерлик жойини сотиб олган ва қимматли қоғозлар билан операцияларни 
амалга ошириш хукуқини берувчи малака шаходатномасига эга бўлган 
жисмоний шахс фақат у жойлардаги давлат бошқаруви идорасида рўйхатга 
олинганидан ҳамда банкда ҳисоб–китоб рақами очилганидан кейин 
савдоларга қўйилиши мумкин. Бунда биржа аъзолари бўлган юридик 
шахсларнинг ишонч қоғози ва биржа Малака комиссиясининг 
рухсатномасини олган брокерлар биржа савдоларида битимлар тузиш 
хуқуқига эга бўлади. Биржа аъзоси бўлган жисмоний шахс, агар у мустақил 
равишда фаолият кўрсатса, брокерлик идорасини рўйхатдан ўтказиш учун 
Қимматли қоғозлар билан операцияларни амалга ошириш ҳуқуқини берувчи 
лицензия ва малака шаходатномасига, биржа Малака комиссиясининг 
рухсатномасига эга бўлиши керак