Молия бозори kitob

депо ҳисобварағидан кўчирма — депонентнинг қимматли қоғозларга бўлган ҳуқуқларини 
тасдиқлайдиган, депозитарий томонидан бериладиган ҳужжат;
депозитар операциялар — ҳисобга олиш регистрларида депозитарийлар томонидан 
депозитар операциялар стандартларига мувофиқ бажариладиган операциялар;
депозит сертификати — банкка қўйилган омонат суммасини ва омонатчининг (сертификат 
сақловчининг) омонат суммасини ҳамда сертификатда шартлашилган фоизларни сертификатни 
берган банкдан ёки шу банкнинг исталган филиалидан белгиланган муддат тугаганидан кейин 
олиш ҳуқуқини тасдиқловчи ноэмиссиявий қимматли қоғоз;
депозитарийнинг ҳисобга олиш регистрлари — депозитарийда қимматли қоғозларни 
сақлаш ва қимматли қоғозларга бўлган ҳуқуқларни ҳисобга олиш бўйича депозитар 
операциялар стандартлари билан белгиланган ёзувлар тизими;
депонент — депозитарийда депо ҳисобварағига эга бўлган шахс;
инвестиция активлари — қимматли қоғозлар, пул маблағлари ва қонун ҳужжатларига 
мувофиқ инвестиция активлари деб эътироф этиладиган бошқа мол-мулк;
инвестор — қимматли қоғозларни ўз номидан ва ўз ҳисобидан олувчи юридик ёки 
жисмоний шахс;
корпоратив облигациялар — очиқ акциядорлик жамиятлари томонидан чиқариладиган 
облигациялар;
ноэмиссиявий қимматли қоғозлар — ушбу Қонунга мувофиқ эмиссиявий қимматли 
қоғозлар тушунчасига оид бўлмаган қимматли қоғозлар;
облигация — облигацияни сақловчининг облигациянинг номинал қийматини ёки бошқа 
мулкий эквивалентини облигацияни чиқарган шахсдан облигацияда назарда тутилган муддатда 
олишга, облигациянинг номинал қийматидан қайд этилган фоизни олишга бўлган ҳуқуқини 
ёхуд бошқа мулкий ҳуқуқларини тасдиқловчи эмиссиявий қимматли қоғоз;
тақдим этувчига тегишли қимматли қоғозлар — қимматли қоғозларни тақдим этишнинг 
ўзи мулкий ҳуқуқларни реализация қилиш учун кифоя қиладиган қимматли қоғозлар;
фонд биржаси — очиқ ва ошкора биржа савдоларини олдиндан белгиланган вақтда ва 
белгиланган жойда ўрнатилган қоидалар асосида ташкил этиш ҳамда ўтказиш орқали фақат 
қимматли қоғозлар савдоси учун шароитлар яратувчи юридик шахс;