Moliya — markazlashgan va markazlashmagan maqsadli pul fondlarini hosil qilish, jamlash, taqsimlash va qayta taqsimlash yoki ishlatish yuzasidan paydo boʻladigan iqtisodiy munosabatlarga aytiladi. Moliya siyosati

Davlat moliyaviy nazorati

Davlat moliyaviy nazorati davlatning moliya siyosatini amalga oshirishga va moliyaviy barqarorlik uchun sharoitlarni yaratishga qaratilgan. Bu narsa, eng avvalo, barcha darajalardagi byudjetlar va nobyudjet fondlarni ishlab chiqish, muhokama qilish, tasdiqlash va ijro etish, korxona va tashkilotlar, banklar va moliyaviy korporatsiyalarning moliyaviy faoliyati ustidan nazoratni anglatadi

Davlat moliyaviy nazorati bu davlatning asosiy qonunlariga tayanadigan va hokimiyat hamda boshqaruv konkret organlari iqtisodiy-huquqiy harakatining kompleksli va maqsadga yoʻnaltirilgan tizimidir

Davlat moliyaviy nazoratini tashkil etishda mamlakatning Konstitutsiyasi hal qiluvchi rolni oʻynaydi. Uning huquqiy reglamenti davlatning tipiga, uning sotsial-siyosiy yoʻnaltirilganligiga, iqtisodiy tarqqiyot darajasiga, mulkchilik shakllarining nisbatiga bogʻliq

Davlat moliyaviy nazorati YAIM taqsimlanishining qiymat proporsiyalarini kuzatishga qaratilgan. Bu nazorat davlat moliyaviy resurslarini shakllantirish, ularning toʻliq va oʻz vaqtida tushib turishi va ulardan maqsadli foydalanish bilan bogʻliq boʻlgan pul resurslari harakatining barcha kanallariga (tarqatiladi) tegishli hisoblanadi