Молия / Банклар ва бошқа кредит муассасалари. Кредитлар

12109 Бошқа банкларга берилган шартлари қайта кўриб чиқилган қисқа муддатли кредитлар
Ҳисобварақнинг таърифи: кредит шартномаси ҳамда унга қўшимча келишувга мувофиқ асосий шартлари ўзгартирилган бошқа банкларга берилган қисқа муддатли кредит (шу жумладан, моҳияти бўйича кредитлар ҳисобланган бошқа операция)ларнинг ҳисоби олиб борилади.
Ҳисобварақнинг дебетида қайта таснифланган ва 12101 — «Бошқа банкларга берилган қисқа муддатли кредитлар» ва 12105 — «Бошқа банкларга берилган муддати ўтган кредитлар» ҳисобварақларидан ушбу ҳисобвараққа ўтказилган, бошқа банкларга берилган, шартлари қайта кўриб чиқилган кредитларнинг суммаси акс эттирилади.
Ҳисобварақнинг кредитида қопланган, қайта таснифланган ва/ёки 12199 — «Кўрилиши мумкин бўлган зарарларни қоплаш захираси — Бошқа банкларга берилган қисқа муддатли кредитлар» ҳисобварағи орқали ҳисобдан чиқарилган кредитларнинг суммаси акс эттирилади.
Таҳлилий ҳисоб ҳар бир қарздор бўйича кредит шартномаларига қараб алоҳида шахсий ҳисобварақларда олиб борилади.
12199 Кўрилиши мумкин бўлган зарарларни қоплаш захираси — Бошқа банкларга берилган қисқа муддатли кредитлар» (контр-актив)
Ҳисобварақнинг таърифи: банк томонидан ундириб олинмаслик эҳтимоли мавжуд бўлган, бошқа банкларга берилган қисқа муддатли кредит (шу жумладан, моҳияти бўйича кредитлар ҳисобланган бошқа операция)лар бўйича кўрилиши мумкин бўлган зарарларни қоплаш захирасининг ҳисоби олиб борилади.
Ҳисобварақнинг кредитида ташкил этилган захира суммаси ва/ёки захиранинг ўсиш суммаси акс эттирилади.
Ҳисобварақнинг дебетида захиранинг камайиш суммаси ва/ёки бекор қилинган суммаси акс эттирилади.
Таҳлилий ҳисоб ҳар бир қарздор бўйича кредит шартномаларига қараб алоҳида шахсий ҳисобварақларда олиб борилади.
12300 Ҳукуматга берилган қисқа муддатли кредитлар
12301 Ҳукуматга берилган қисқа муддатли кредитлар
Ҳисобварақнинг таърифи: берилган санадан бошлаб 1 йил муддатгача Ўзбекистон Республикаси ҳукуматига ва унинг ваколатли ёки ижроия органларига берилган кредит (моҳияти бўйича кредитлар бўлган бошқа операция)ларнинг ҳисоби олиб борилади.
Ҳисобварақнинг дебетида берилган кредитларнинг суммаси акс эттирилади.
Ҳисобварақнинг кредитида қопланган ва/ёки кредитларнинг бошқа мақоми бўйича қайта таснифланган кредитлар суммаси акс эттирилади.
Таҳлилий ҳисоб ҳар бир қарздор бўйича кредит шартномаларига қараб алоҳида шахсий ҳисобварақларда олиб борилади.