Молия / Банклар ва бошқа кредит муассасалари. Кредитлар

10513 Пластик карталардан амалга оширилган тўловлар бўйича бошқа банклардан олиниши лозим бўлган маблағлар
Ҳисобварақнинг таърифи: бошқа банклар мижозларининг пластик карталаридан амалга оширилган тўловлар бўйича бошқа банклардан олиш учун пул маблағлари ҳисоби олиб борилади.
Ҳисобварақнинг дебетида бошқа банклар мижозларининг пластик карталаридан амалга оширилган тўловлар бўйича бошқа банклардан олиш учун пул маблағлари суммаси акс эттирилади.
Ҳисобварақнинг кредитида бошқа банклар мижозларининг пластик карталаридан амалга оширилган тўловлар бўйича бошқа банклардан бўлган қопланган пул маблағлари суммаси акс эттирилади.
Таҳлилий ҳисоб ҳар бир банк бўйича алоҳида шахсий ҳисобварақларда олиб борилади.
10597 Бошқа банклардан олиниши лозим бўлган маблағлар — Депозитлар
Ҳисобварақнинг таърифи: банкнинг бошқа банкларга қўйилган депозитлари ҳисоби олиб борилади.
Ҳисобварақнинг дебетида бошқа банкларга қўйилган депозитлар суммаси акс эттирилади.
Ҳисобварақнинг кредитида бошқа банкларга қўйилган депозитларнинг қайтарилиши акс эттирилади.
Таҳлилий ҳисоб ҳар бир банк ва депозит тури бўйича алоҳида шахсий ҳисобварақларда олиб борилади.
10599 Кўрилиши мумкин бўлган зарарларни қоплаш захираси — Бошқа банклардан олиниши лозим бўлган маблағлар (контр-актив)
Ҳисобварақнинг таърифи: банкнинг бошқа банкларга қўйилган пул маблағлари бўйича кўрилиши мумкин бўлган зарарларни қоплаш захираси ҳисоби олиб борилади.
Ҳисобварақнинг кредитида ташкил этилган захира суммаси ва/ёки захира суммасининг ўсиши акс эттирилади.
Ҳисобварақнинг дебетида захиранинг камайиш суммаси ва/ёки бекор қилинган суммаси акс эттирилади.
Таҳлилий ҳисоб ҳар бир банк бўйича депозитларга қараб алоҳида шахсий ҳисобварақларда олиб борилади.
10700 Олди-сотди қимматли қоғозлари
Ҳисобварақнинг таърифи: икки турдаги «Савдога мўлжалланган қимматли қоғозлар» тоифасидаги ва («Савдога мўлжалланган» тоифага кирмайдиган) ҳақиқий қиймати бўйича ҳисоби юритиладиган ва ҳақиқий қийматининг ўзгариши фойда ва зарарлар ҳисоботида акс эттириладиган қимматли қоғозлар ҳисоби юритилади.