Молия / Банклар ва бошқа кредит муассасалари. Кредитлар

40700 Сотишга мўлжалланган қимматли қоғозларга қилинган инвестициялар бўйича фоизли даромадлар
40701 Давлат хазина векселлари бўйича фоизли даромадлар
40705 Давлат облигациялари бўйича фоизли даромадлар
40709 ЎзРМБнинг облигациялари ва бошқа қарз қимматли қоғозлари бўйича фоизли даромадлар
40713 Корхоналарнинг қарз қимматли қоғозлари бўйича фоизли даромадлар
40717 Еврооблигациялар бўйича фоизли даромадлар
40794 Бошқа қарз қимматли қоғозлар бўйича фоизли даромадлар
Юқорида кўрсатилган баланс ҳисобварақлари ўз хусусиятлари бўйича бир хил бўлганлиги учун уларнинг таърифи умумлаштириб берилмоқда.
Ҳисобварақнинг таърифи: сотишга мўлжалланган қимматли қоғозлар (Давлат хазина векселлари (давлатнинг кисқа муддатли облигациялари), давлатнинг облигациялари, ЎзРМБнинг облигациялари ва бошқа қарз қимматли қоғозлари, корхоналарнинг қарз қимматли қоғозлари, еврооблигациялар ва бошқа қарз қимматли қоғозлари)га қилинган инвестиция бўйича фоизли даромадлар ҳисоби олиб борилади.
Ҳисобварақнинг кредитида сотишга мўлжалланган қимматли қоғозларга қилинган инвестиция бўйича ишлаб топилган фоизли даромадлар суммаси акс эттирилади.
Ҳисобварақнинг дебетида нотўғри ҳисобланган ва/ёки олинган даромадларнинг қайтариш суммаси, шунингдек молиявий ҳисобот йилининг охирида банкнинг молиявий натижаси сифатида 31206 — «Соф фойда (зарар) (актив-пассив)» ҳисобварағига ўтказиладиган даромадлар, мукофотнинг амортизация қилинган ва харид қилиш харажатлари суммаси акс эттирилади.
40800 Сотиб олинган векселлар бўйича фоизли даромадлар
40801 Экспорт билан боғлиқ сотиб олинган векселлар бўйича фоизли даромадлар — Ҳужжатсиз
40805 Экспорт билан боғлиқ сотиб олинган векселлар бўйича фоизли даромадлар — Ҳужжатли
40809 Сотиб олинган маҳаллий векселлар бўйича фоизли даромадлар — Ҳужжатсиз
40813 Сотиб олинган маҳаллий векселлар бўйича фоизли даромадлар — Ҳужжатли
40817 Сотиб олинган муддати ўтган векселлар бўйича фоизли даромадлар