Molekulasida efir guruxi saqlovchi biologik faol moddalar

Muhim vakillari.Dietil efiretanoldan konsentrlangan H₂SO₄ ishtirokida 140-145 ^oC da kizdirib yoki spirtni 300 ^oC da Al₂O₃ ustida degidratlab olinadi. (370-400 ^oC da etilen hosil bo‘ladi).
Dietil efir o‘ziga xos xidli rangsiz suyuqlik bo‘lib, oson uchuvchan, uning bug‘lari havodan og‘ir. Efirli eritmalar ehtiyotsizlik bilan bug‘latilsa, efir bug‘lari laborotoriya stoli ustida yoki polda yig‘iladi va havo bilan oson yonuvchi-portlovchi xavfli aralashma hosil qiladi.
Dietil efiri suvda yomon eriydi (20 ^oC da 6 % gacha), suv esa dietil efirda yomon eriydi (1,2 %gacha). Agar suvsiz efir zarur bo‘lsa, efir avval suvsiz CaCl₂ bilan, keyin Na metali bilan quritiladi.
Dietil efir har xil organik moddalarni yaxshi eritadi, shuning uchun ekstraksiya qilishda va metallorganik sintezda erituvchi sifatida keng qo‘llaniladi. Tibbiyotda dietil efiri umumiy narkoz uchun ishlatiladi.
Diizopropil efiri izopropil spirtini BF₃ ishtirokida propan bilan alkillab olinadi. Texnikada antidetonator sifatida ishlatiladi.
Sellozolvlarglikolning monoefirlari (2-alkoksietanol) bo‘lib, etilen oksidlardan va alkanolardan olinadi.



(R=CH₃ bo‘lsa metilsellozolv, R=C₂H₅ bo‘lsa etilsellozolv)

Sellozolvlar yaxshi erituvchilar bo‘lib, ayniksa sellyulozaning murakkab efirlarini yaxshi eritadi.

Diglim (dietilenglikolning dimetil efiri, 2,2’-dimetoksidietil efir) metilsellyuzolv va etilenoksiddan olinadi.



Diglim yaxshi erituvchi bo‘lib, metall ionlarini kuchli solvatlaydi (uchta kislorod atomining bir vaqtdagi donor effekti).