Mol, Molyar massa va massa

5. Kimyoviy reaksiya tenglamalari asosida masalalar yechish.

1. 360 g suv hosil qilish uchun qancha massadagi vodorod kislorod bilan reaksiyaga kirishishi kerak? J: 40 g.

2. 1 tonna ohaktosh (CaCO₃) parchalanganda qancha hajm (N.Sh.da) karbonat angidrid hosil bo’ladi? J: 2,24·10⁵ l.
3. 4 g magniy oksid hosil qilish uchun qancha massada magniy va qancha hajm (N.Sh.da) kislorod kerak? J: 2,4 g; 1,12 l.
4. 2,3 g natriy suvda eritildi. Hosil bo’lgan ishqor va ajralib chiqqan vodorodning miqdorini (mol) hisoblang. J: 0,1mol; 0,05 mol.
5. 456,25 g xlorid kislotani neytrallash uchun natriy gidroksiddan qancha massada kerak bo’ladi? J: 500 g.
6. Kaliy gidroksidni neytrallab 20,2 g tuz olindi. Neytrallash uchun ishlatilgan nitrat kislotaning miqdorini (mol) hisoblang. J: 0,2 mol.
7. Kalsiy oksidga xlorid kislota ta’sir ettirib 3,33 g kalsiy xlorid tuzi hosil qilindi. Reaksiya uchun qancha massada oksid olingan? J: 1,68 g.
8. 0,4 g natriy gidroksid bilan 0,4 g xlorid kislota reaksiyaga kirishdi. Bunda qaysi moddadan qancha massada ortib qolgan? J: Cl₂; 0,035 g.
9. 7,1 g natriy sulfat (Na₂SO₄) bilan 11 g bariy xlorid (BaCl₂) reaksiyaga kirishdi. Reaksiyadan so’ng qaysi moddadan qancha massada ortib qolganini aniqlang.
J: BaCl₂; 0,6 g.
10. 0,2 g vodorod 8 g xlor bilan reaksiyaga kirishib HCl hosil qildi. Bu jarayonda qaysi moddadan qancha massada ortib qolgan. J: Cl₂; 0,9 g.
11. 5 g vodorod natriy metali bilan reaksiyaga kirishdi. Reaksiya mahsuloti suvda eritildi. Hosil bo’lgan moddalarning massasini aniqlang. J: 200 g NaOH; 10 g H₂.
12. Oltingugurt kislorodda yondirildi. Yonishdan hosil bo’lgan mahsulot yana kislorodda yondirildi va suvda eritildi. Natijada 4,9 g sulfat kislota hosil bo’ldi. Reaksiya uchun olingan oltingugurt massasini hisoblang. J: 1,6 g.
13. 1 tonna kalsiy karbonat qattiq qizdirilishidan hosil bo’lgan asosli oksid suvda eritildi. Hosil bo’lgan modda qancha massadagi nitrat kislota bilan reaksiyaga kirishadi? J: 1,26 t.
14. 1,3 g kaliyning vodorod bilan reaksiyasi mahsuloti suvda eritildi va hosil bo’lgan moddaga xlorid kislota ta’sir ettirildi. Natijada hosil bo’lgan kaliy xlorid tuzining massasini hisoblang. J: 2,48 g.
15. 90 g ko’mir kislorodda yondirildi va hosil bo’lgan gaz CaO bilan reaksiyaga kirishdi. Reaksiya natijasida hosil bo’lgan CaCO₃ ning massasini hisoblang. J: 750 g.
16. Massasi 1 g bo’lgan ohaktosh (CaCO₃) parchalanib, CaO olindi va suvda eritildi. Hosil bo’lgan moddaning massasini hisoblang. J: 0,74 g.
17. 1,11 g malaxit ((CuOH)₂CO_3­) parchalanganda qancha hajm gaz ajraladi?
J: 0,112 l.
18. 2,6 g aluminiy gidroksid qancha massadagi natriy gidroksid va xlorid kislota bilan reaksiyaga kirishadi? J: 1,33 g; 3,65 g.
19. 2,475 g rux gidroksid qancha massadagi kaliy gidroksid va nitrat kislota bilan reaksiyaga kirishadi? J: 2,8 g; 1,825 g.
20. 1,06 g sodadan (Na₂CO₃) qancha massada NaCl va qancha hajmda CO₂ olish mumkin? J: 1,17 g; 0,224 l.