Модуль номи: Жаҳон савдо ташкилоти ҳуқуқи № Казуслар

A.M.Хакимов

Metropolit davlati JSTga murojaat bilan chiqib, Sitropolit davlatida xorijiy moliyaviy xizmatlarni yetkazib beruvchilar xizmatlar savdosini amalga oshirishiga salbiy ta'sir ko'rsatadigan bir qator choralar mavjud ekanini ta’kidladi. Metropolit davlati tomonidan taqdim etilgan ma’lumotlarga qaraganda xorijiy moliyaviy ma'lumotlarni yetkazib beruvchilar faqatgina Sitropolitning Grenda axborot agentligi (bundan keyin Grenda) tomonidan belgilangan tashkilot orqali o'z xizmatlarini taqdim etishi mumkin. Ammo ulardan talab qilinadigan hujjatlarning soni o'ndan ortiq yuridik va ma'muriy hujjatlarni o'z ichiga oladi. Grenda xorijiy moliyaviy ma’lumotlarni yetkazib beruvchilar faqatgina “Sitropolit axborot xizmati” byurosi orqaligina o’z xizmatlarini taqdim etishlari mumkinligini belgilagan. Chunki ushbu byuro Grendaning tijorat korxonalaridan biridir. Bundan tashqari, Sitropolitning milliy qonunchiligi xorijiy moliyaviy ma'lumotlarni yetkazib beruvchilarga o'z xizmatlari uchun obunachilar yig’ishga ruxsat bermaydi. Ular obunachilar yig’ishni faqatgina Grenda tomonidan belgilangan tashkilot orqali amalga oshirilishi talab etiladi. Sitropolit davlatidagi axborot yetkazib beruvchilar ham xorijiy axborot yetkazib beruvchilarning xizmatlariga bevosita obuna bo’lishi taqiqlangan. Shuningdek, xorijiy moliyaviy axborot yetkazib beruvchilar Sitropolitda oʻz litsenziyalarini yangilash uchun Grendaning maʼlumotlarni boshqarish markaziga moliyaviy axborot xizmatlari, mijozlari va ularning xizmatlariga oid batafsil va maxfiy maʼlumotlarni taqdim etishlarini talab qiladi. Ammo ushbu va boshqa talablar hamda cheklovlar Sitropolitning moliyaviy axborotlarni yetkazib beruvchi xizmatlariga nisabatan ta’sir etmaydi. Vazifa. Metropolit davlatining fikricha Sitropolit davlati xorijiy moliyaviy axborot xizmatlarini yetkazib beruvchilarga nisbatan cheklovlarni o’rnatmoqda. Bu esa JST kelishuvlariga ziddir. Ammo buni JST paneliga qanday isbotlab berishda boshi qotgan. GATS kelishuvining tegishli moddalaridan foydalangan holda Metropolit davlatiga o’z vajini isbotlab berishda yordam bering.