модул Ўзбекистон республикаси

11-амалий машғулот: МТТ да тарбиячиларнинг мэъёрий хужжатлари ва уларни юритилиши (4 соат).


Ишнинг мақсади: Мактабгача таълим муассасаларда таълим- тарбия жараёнини режалаштириш бўйича методик кўрсатмалар:тарбиячиларнинг иш ҳужжатлари ва уларнинг юритилиши,ҳар бир ёш гуруҳида ҳафта давомида ўтказиладиган машғулотлар сони ва ҳар бир машғулот қанча давом этиши, бир хафталик режанинг ёритилиши, фаолият марказларида ишлашни режалаштириш, мактабгача ёшдаги болаларнинг ривожланиш харитаси
тахлилини белгилаш тартиби, болаларнинг ривожланиш кўрсаткичларини таҳлил қилиш усулларини ёритиб бериш.

Мактабгача таълим муассасасида болаларни билим даражасини кўтариш учун аввало педагоглар касб салоҳиятини ошириш, таълим жараёни мазмуни ва сифатини такомиллаштириш, ота-оналар ўртасида тарғибот-ташвиқот ишларини жонлантириш зарур. Мактабгача ёшданоқ болаларда тегишли ҳажмда билим, кўникма, малакалари ҳосил қилинади.

2019 йил 30 августдаги “Мактабгача таълим муассасалари ва умумий ўрта таълим мактаблари ходимларининг иш ҳужжатларини юритиш тўғрисида”ги 155-сонли буйруқлари асосида тарбиячилар томонидан юритиладиган оптималлаштирилган иш ҳужжатлари белгилаб берилди.


05-01 илк ва мактабгача ёшдаги болалар ривожланишига қўйиладиган Давлат талаблари ва “Илк қадам” давлат ўқув дастури
05-02 Иш журнали (кун тартибини режалаштириш).


(Ўқув)- таълим -тарбиявий фаолиятни режалаштириш

Ўқув-тарбиявий жараён «Ўзбекистон Республикасининг илк ва мактабгача ёшдаги болалар ривожланишига қўйилган давлат талаблари» асосида амалга оширилади.

Мактабгача таълим муассасаси ўқув-тарбиявий жараённи ўқув йили бўйича ташкил қилади.

Ўқув йили 2 сентябрда бошланади ва 31 майгача давом этади.

1 июндан 31 августгача МТМда ёзги соғломлаштириш даври ташкил этилади.

Ўқув(таълим)-тарбиявий фаолият гуруҳнинг кундалик иш тартибига таянади ва унда педагог томонидан режалаштирилган кундалик ҳаракатлар, болалар ўйинлари, бўш вақт ва ўқув(таълим)-тарбиявий фаолият турлари навбатма-навбат амалга оширилади.

Ўқув (таълим)-тарбиявий фаолият таълим ва ижтимоий эҳтиёжлар (саломатлик, овқатланиш ва хавфсизлик)ни қондириш мақсадида боланинг ёши ва индивидуал ривожига асосланувчи ўқув режасига мувофиқ олиб борилади. Ўқув(таълим)-тарбиявий фаолият бола ҳаёти ва унинг атрофидаги муҳитдан келиб чиқувчи ягона бир бутун мавзуга бирлаштирилади.

Ўқув-тарбиявий фаолиятни режалаштириш таълим шароитларига боғлиқ ҳолда интеграция, хилма-хиллик ва мослашувчанлик тамойилларидан таркиб топади.

Ўқув-тарбиявий фаолиятда қуйидаги режалаштириш турлари мавжуд:

• 
  йиллик мавзувий;
  

• 
  ҳафталик.
  

Режалаштиришда фаолиятнинг мақсадлари, мавзуси, мазмуни ва турлари ифодаланади. Фаолият турини танлашда нафақат ўқув(таълим )-тарбиявий фаолиятнинг умумий мақсадлари, балки ривожланиш соҳалари бўйича мақсадлар, фаолият мазмуни ва турларини интеграциялаш ҳам ҳисобга олинади.

Режалаштиришда кун тартибини ҳисобга олиш зарур. Кун тартиби иш суръатини белгилайди ва болага бир фаолиятдан бошқасига осон ўтишда ёрдам бериши лозим. Шуни ёдда тутиш жоизки, ўйин мактабгача ёшдаги болаларнинг асосий фаолияти ҳисобланади. Кун тартибини тузишда кундузги уйқу, дам олиш вақти ва сайрга чиқиш вақти ҳисобга олинади.