Moddiy yordam va ko‘makka muhtoj oilalarni, xotin-qizlar va yoshlarni ijtimoiy qo‘llab- quvvatlash bo‘yicha qo‘shimcha chora-tadbirlar to‘G‘risida

6-bob. Yakunlovchi qoidalar
59. Ushbu Tartibga muvofiq “Yoshlar daftari” jamg‘armasi mablag‘lari hisobidan ko‘rsatiladigan ko‘mak
arizachilarning arizalariga asosan ularning ehtiyoji va xohish-istaklarini o‘rganish natijalari bo‘yicha sektorlar
rahbarlarining xulosalariga ko‘ra Vasiylik kengashi qaroriga muvofiq amalga oshiriladi.
Vasiylik Kengashi tomonidan ariza va unga ilova qilingan tegishli hujjatlar ko‘rib chiqiladi va natijasi
bo‘yicha “Yoshlar daftari” jamg‘armasi mablag‘lari hisobidan ko‘mak berish yoki rad etish to‘g‘risida
asoslantirilgan qaror qabul qilinadi.
“Yoshlar daftari” jamg‘armasi mablag‘lari hisobidan ko‘mak berish asoslantirilgan holda rad etilgan
taqdirda, Vasiylik kengashining tegishli qarori qabul qilingan kundan boshlab sektorlar shtablari kotiblari uch ish
kuni ichida bu haqda arizachini yozma shaklda xabardor qiladi.
60. Yoshlarning ehtiyojlari va xohish-istaklarini o‘rganish natijalari bo‘yicha xalq deputatlari tuman (shahar)
Kengashlari qaroriga asosan qonunchilik hujjatlariga zid bo‘lmagan boshqa yo‘nalishlar bo‘yicha ham yoshlarga
moddiy va ijtimoiy yordam berilishi mumkin.
61. Sektorlar rahbarlari, tuman (shahar) hokimining yoshlar siyosati, ijtimoiy rivojlantirish va ma’naviy-
ma’rifiy ishlar bo‘yicha o‘rinbosarlari elektron platformada “Yoshlar daftari”ni yuritish bilan bog‘liq masalalarni
to‘liq aks ettirib borilishini ta’minlaydi va unga ma’lumotlarni kiritish va chiqarish, ularning haqqoniyligi bo‘yicha
shaxsan javobgar hisoblanadi.
Mutasaddi vazirlik va idoralar tomonidan “Yoshlar daftari”ga kiritilgan yoshlar bo‘yicha amalga
oshirilayotgan ishlar elektron platformaga kiritiladi va shundan so‘ng bajarilgan hisoblanadi. “Yoshlar daftari”ga
kiritilgan yoshlar bo‘yicha amalga oshirilayotgan ishlar to‘g‘risida barcha hisobotlar elektron platformada
shakllantiriladi.
62. “Yoshlar daftari” bilan ishlash tizimi natijasi bo‘yicha hisobot berish ushbu Tartibga 
3g-ilovaga 
muvofiq
sxema bo‘yicha yuritiladi.
63. “Yoshlar daftari”ga kiritilgan yoshlarni qo‘llab-quvvatlash bo‘yicha ishlarni muvofiqlashtirish:
mahalla darajasida — tuman (shahar) sektorlari rahbarlari, tuman (shahar) hokimining yoshlar siyosati,
ijtimoiy rivojlantirish va ma’naviy-ma’rifiy ishlar bo‘yicha o‘rinbosarlari, Yoshlar ishlari agentligining tuman
(shahar) bo‘limlari boshliqlari;
tuman (shahar) darajasida — viloyat sektorlari rahbarlari, Qoraqalpog‘iston Respublikasi Vazirlar Kengashi
Raisi, viloyatlar va Toshkent shahar hokimining yoshlar siyosati, ijtimoiy rivojlantirish va ma’naviy-ma’rifiy ishlar
bo‘yicha o‘rinbosarlari, Prezident Xalq qabulxonalari mudirlari, Yoshlar ishlari agentligining hududiy
boshqarmalari boshliqlari;
viloyat darajasida — Yoshlar ishlari agentligi, sektorlar (Bosh prokuratura, Ichki ishlar vazirligi, Davlat soliq
qo‘mitasi), tegishli vazirlik va idoralar;
respublika darajasida — O‘zbekiston Respublikasida yoshlarga oid davlat siyosatini yanada rivojlantirish
borasidagi chora-tadbirlarni amalga oshirish bo‘yicha muvofiqlashtiruvchi kengash tomonidan amalga oshiriladi.
64. Sektorlar shtablarining kotiblari tomonidan “Yoshlar daftari”ga kiritilgan har bir yoshlarning aniqlangan
muammolari bartaraf etilganligi haqidagi hisobotlar elektron platformaga kiritib boriladi.
65. Yoshlar ishlari agentligi elektron platformaga ma’lumotlarning kiritilishi yuzasidan monitoring yuritadi.
66. “Yoshlar daftari”ga kiritilgan yoshlarning muammolarini bartaraf etishga qaratilgan “Yo‘l xaritasi”ning
ijrosi har chorakda kamida bir marta xalq deputatlari tuman (shahar) Kengashida muhokama qilinadi.
Kengash sessiyalarida muammolarni hal qilishga mas’ul bo‘lgan sektorlar va tashkilot rahbarlarining
hisobotlari eshitib boriladi.
67. Yoshlar ishlari agentligi “Yoshlar daftari”ga yuritilishi bo‘yicha amalga oshirilgan ishlarni hududiy
bo‘linmalaridan olingan ma’lumotlarni tegishli vazirlik, idora va tashkilotlar hamda mahalliy hokimliklar bilan har
oy yakuni bilan tahlil qiladi.
Respublika darajasida hal etilishi lozim bo‘lgan muammolarni hududlar kesimida bartaraf etish maqsadida
O‘zbekiston Respublikasi Bosh vazirining ijtimoiy rivojlantirish masalalari bo‘yicha o‘rinbosari kotibiyatiga axborot
kiritib boriladi.
68. Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari, O‘zbekiston
Respublikasi Bosh prokuraturasi, Ichki ishlar vazirligi, Davlat soliq qo‘mitasi, tegishli vazirlik va idoralar har oy
yakuni bo‘yicha keyingi oyning 5-sanasiga qadar “Yoshlar daftari” yuritilishi bo‘yicha ma’lumotlarni Yoshlar ishlari
agentligiga taqdim etadi.
Oldingi
 tahrirga qarang.
69. “Yoshlar daftari”ning yuritilishi bo‘yicha mutasaddi bo‘lgan vazirliklar, idoralar va mahalliy
hokimliklarning barcha darajadagi rahbarlarining hisobdorligini Vazirlar Mahkamasi Rayosati majlisida ko‘rib
chiqish uchun har chorak yakunida “Yoshlar daftari” yuritilishi bo‘yicha tahliliy ma’lumotlar Yoshlar ishlari
agentligi tomonidan o‘rnatilgan tartibda Vazirlar Mahkamasining Yoshlar, jamoat tashkilotlari, mahalla va oilani
qo‘llab-quvvatlash masalalari kotibiyatiga taqdim etiladi.
Vazirlar Mahkamasining Yoshlar, jamoat tashkilotlari, mahalla va oilani qo‘llab-quvvatlash masalalari
kotibiyati tahliliy ma’lumot va takliflarni ko‘rib chiqadi hamda “Yoshlar daftari”ning yuritilishi ijrosini Vazirlar
Mahkamasi Rayosat majlisida muhokama qilishga materiallar tayyorlaydi.

---

(69-band O‘zbekiston Respublikasi Vazirlar Mahkamasining 2021-yil 16-avgustdagi 524-sonli 
qarori
tahririda —
Qonunchilik ma’lumotlari milliy bazasi, 17.08.2021-y., 09/21/524/0802-son)
70. Vazirlar Mahkamasi Rayosat majlisida kamchilikka yo‘l qo‘ygan mas’ul vazirlik va idoralar hamda
hududiy hokimliklar rahbarlariga baho beradi, choralar ko‘radi, kamchiliklarni bartaraf etish bo‘yicha tegishli “yo‘l
xarita”lari ishlab chiqiladi va ijroga yo‘naltiriladi.
“Yoshlar daftari”ni yuritish orqali
yoshlarning muammolarini tizimli
ravishda hal etish va ularni ijtimoiy
qo‘llab-quvvatlash bo‘yicha 
vaqtinchalik
tartibga

3a-ILOVA