Мобиль методик гуруҳ

биринчидан, юқори синф ўқувчилари ўртасида замонавий билим ва кўникмага эга бўлиш ҳамда Ўзбекистонда таълим олиш учун яратилган имкониятларни тарғиб қилиш лозим.
иккинчидан, мактабда мусиқа ва тасвирий санъат фанларидан мутахасис ўқитувчи етишмаётганлиги сабабли шу фандан ОТМ битирувчиларига йўлланма бериш лозим.
учинчидан, юқори синф ўқувчиларини билим даражасини ошириш учун мобиль методик гуруҳ билан ҳамкорликда онлайн ва офлайн дарслар ташкил этиш.
тўртинчидан, юқори синф ўқувчилари учун барча фанлардан ҳамкорликда синфлар кесимида мавзулаштирилган тест топшириқларини қозоқ тилида етказишда амалий ёрдам кўрсатиш.
бешинчидан, ташкил этилган дарслар ва етказиб берилган амалий ёрдам натижасини билиш учун мутахасислар ёрдамида синов тестларини ташкил этиш.
олтинчидан, мактабда мавжуд моддий техник жиҳозларни етишмаслигини инобатга олиб, Навоий вилоят ХТБ га мурожаатнома йўллаш.
еттинчидан, мактабда ўқув фанлари юзасидан эҳтиёж бор мутахассислар учун мазкур ҳудудда яшовчи битирувчилар учун маълум муддатда(муаммолар бартараф этилгунга қадар) НавДПИга имтиёзли қабул квоталарини жорий қилиш
“Мобил-методик гуруҳ” жамоаси синф хоналаридаги хар бир ўқувчи билан индивидуал суҳбатлашиб мактабни паст рейтинг даражасидан юқори даражаларга қўтариш учун назарий ва амалий ёрдам беришга келишиб олинди. Томонлар ўзларида мавжуд куч ва имкониятларни сафарбар этиш учун истиқболли режалар тузилди.
Мактабда мавжуд кадрлар муаммосини бартараф этиш учун НавДПИ ўқув ишлари бўйича проректори Д.Рўзиев битирувчи талабаларни мактабга йўналтириш орқали кадрлар масаласида амалий ёрдам бериши таъкидлади. Шунингдек, илғор педагог кадрлар мактабнинг барча имконият даражалари билан тубдан танишиб, назарий ва амалий методик ёрдам кўрсатишга келишиб олинди. Мавжуд имкониятлардан фойдаланиб ZOOM платформаси ва онлайн ва офлайн шаклда маълумот ва тажриба алмашиниб ишни ташкил этиш режалаштирилди.
Амалга оширилган дарсларнинг самараси синов тест натижаларида ўсиш динамикаси юритилиши келишиб олинди. Шунингдек, мактабда фаолият олиб бораётган педагогларнинг тоифа сертифекатлар олишлари учун махсус дарслар ташкил этиш ва ўзаро тажриба алмашинишни изчил йўлга қўйиш режалаштирилди.