|
Kotirovkalarga so’rov. Kotirovkalarga so’rov – bu buyurtmachi (pudratchi, ish bajaruvchi)ni aniqlashning usullardan biri bo’lib, bunda –davlat va munitsipal ehtiyojlarni
qondirish uchun xarid qilinadigan Tovar, ish, xizmatlar to’g’risidagi ma’lumot yagona
informatsion tizim orqali chegaralanmagan miqdordagi shaxslarga kotirovkalarga so’rov
o’tkazilayotganligidan xabar beriladi va bunda eng past shartnoma narxini taklif qilgan xarid ishtirokchisi g’olib deb tan olinadi. Buyurtmachi kotirovkalarga so’rovni shartnomaning boshlang’ich (maksimal) narxi besh yuz ming rubldan oshmadan taqdirda amalga oshirishi mumkin. Bunda kotriovkalarga so’rov orqali amalga oshiriladigan yalpi yillik xarid hajmi buyurtmachining reja-jadvalida tasdiqlangan barcha xaridlar uchun
mo’ljallangan mablag’larning o’n foizidan hamda yiliga yuz million rubldan
oshmasligi kerak.
Takliflarga so’rov.Takliflarga so’rov deganda, buyurtmachi (pudratchi, ish bajaruvchi)ni aniqlashning usullardan biri tushunilib, bunda davlat va munitsipal ehtiyojlarni
qondirish uchun xarid qilinadigan tovar, ish, xizmatlar to’g’risidagi ma’lumot yagona informatsion tizim orqali chegaralanmagan miqdordagi shaxslarga takliflarga so’rov o’tkazilayotganligi
to’g’risida xabar joylashtiriladi va so’rov g’olibi bo’lib, buyurtmachining tovar, ish, xizmatlarga
bo’lgan talablariga maksimal darajada javob beradigan yakuniy taklifni kiritgan shaxs hisoblanadi.
Yetkazib beruvchi (pudratchi, ish bajaruvchi)ni aniqlashning yopiq usuli. Yetkazib beruvchi (pudratchi, ish bajaruvchi)ni aniqlashning yopiq usuli deganda, yopiq tanlov, ishtiroki chegaralangan yopiq tanlov, ikki bosqichli yopiq tanlov, yopiq auksion tushunilib, unda qonunga muvofiq buyurtmachi qonunda belgilangan talablarga javob beradigan va tovar yetkazib berish,
ishlar bajarish, xizmatlar ko’rsata oladigan chegaralangan miqdordagi shaxslarga xarid, uning
hujjatlari to’g’risidagi ma’lumotlarni hamda tanlovda ishtirok etishi uchun taklifnomani yuboradi.
Yopiq tanlov o’tkazilishining shartlari quyidagilar:
davlat ehtiyojlarni qondirish uchun. tovar, ish, xizmatlarni xarid qilganda
hamda agar bu ehtiyojlar davlat siri bo’lib hisoblansa;
davlat siri bo’lib hisoblangan ehtiyojlarn iqondirish uchun tovar, ish,
xizmatlarni xarid qilganda hamda agar ular xarid to’g’risidag ihujjatlarda yoki
shartnoma loyihasida ko’rsatilgan bo’lsa;
Qimmatbaho metallar va toshlar Davlat fondining buyumlarinis ug’urta
qilish, yetkazib berish va muhofaza qilish kabi xizmatlarni ko’rsatish bo’yicha,
muzey predmetlari va kolleksiyalarini, noyob va qimmatbaho nashrlar,
qo’lyozmalar, arxiv hujjatlari (shujumladan, ularning nusxalari) va tarixiy, badiiy
va madaniy xarakterdagi bo’lgan boshqa buyumlarn ibuyurtmachidan jismoniy
yoki yuridik shaxsga topshirilganda yoki jismoniy, yuridik shaxslardan yetkazib
beruvchigat opshirilganda, davlat hududidayoki uning tashqarisida ko’rgazma
o’tkazilayotganda ularni sug’urta qilish, yetkazib berish va muhofaza qilish
xizmatlarini xarid qilganda;
ma’lum bir bino xonalarini tozalash hamda sudya va sud ijrochilari uchun
haydovchi xizmatlarini xarid qilganda.
Xaridni yagona yetkazib beruvchi (pudratchi, ish bajaruvchi) bilan amalga
oshirish. Xaridni yagona yetkazib beruvchi (pudratchi, ish bajaruvchi) bilan amalga oshirish
odatda ma’lum qonunda qat’iy belgilangan holatlarda amalga oshiriladi.
Xaridni tashkiliy shakllari – sotib olish jarayoni va mol etkazib beruvchini
(xizmat ko’rsatuvchini) tanlash, davlat sotib oluvchi organi tomonidan mustaqil
amalga oshiriladi.
Yuqoridagi qarorga muvofiq tender savdolari 100 ming AQSh dollariga teng
miqdordan ortiq bitta shartnoma bo’yicha tovarlar etkazib berishni amalga
oshirishda o’tkaziladi. Qiymati 100 ming AQSh dollariga teng miqdordan kam bo’lgan bitta
shartnoma bo’yicha tovarlar etkazib berishni amalga oshirishda, xaridlar eng
yaxshi tanlov takliflarini tanlab olish asosida amalga oshiriladi. Ammo, tadqiqotlar
shuni ko’rsatadiki, bugungi kunda «eng yaxshi tanlov takliflari”ni tanlab olish
jarayonini va tartibini aniq belgilab beruvchi, birorta ham tartibga soluvchi hujjat
mavjud emas.
Quyidagi hollarda tender(tanlov) o’tkazmasdan tovar etkazib beruvchilar
(bajaruvchilar, pudratchilar) bilan shartnomalar tuzilishi mumkin:
tovarlar etkazib berish, tabiiy monopoliyalar sub’ektlari faoliyati sohasiga tegishli bo’lganda;
tovarlar birja orqali xarid qilinganda;
shartnoma tuzish vaqtida eng kam ish haqining o’n baravaridan oshmagan
summada tovarlar sotib olinganda;
tarix va madaniyat yodgorliklari sifatida davlat muhofazasiga olingan
hamda davlat muzey, kutubxona, arxiv fondlarini, kino-foto-fondini va boshqa
shunga o’xshash fondlarni to’ldirish uchun mo’ljallangan tarixiy, badiiy yoki
boshqa madaniyat ahamiyatiga molik madaniy boyliklar (sur’atlar, haykallar,
adabiy asarlar va boshqalar), shu jumladan, muzey predmetlari va muzey
to’plamlari, shuningdek, nodir va qimmatli nashrlar va qo’lyozmalar, arxiv
hujjatlari, jumladan ularning nusxalarini etkazib berishni amalga oshirganda;
tovarlarni sotishga alohida huquqi bo’lgan faqat bitta etkazib beruvchidan
tovarlar xarid qilish mumkin bo’lganda;
tuzilgan shartnomaning shartlari dastlabki shartnoma umumiy
summasining 20 foizidan oshmaydigan summaga teng qo’shimcha ishlarni bajarish
maqsadida o’zgarganda va boshqalar.
Do'stlaringiz bilan baham: |
