Májilisiniń protokolı Nókis qalası 2021-jıl, 23-sentyabr

Ózbekstan hám Qaraqalpaqstan tariyxı kafedrasınıń 2021-2022 oqıw jılında ótkergen №_
májilisiniń protokolı

Nókis qalası 2021-jıl, 23-sentyabr

Qatnasqanlar: Kafedra baslıǵı PhD. I.Elmuratov, t.i.d. prof. B.Qoshanov, doc.M.Seytimbetov, doc.Q.Tangirbergenova, doc.S.Saymanov, PhD G.Seydametova, PhD D.Jumaniyazov, PhD H.Otegenov, assistentler S.Allamuratova, D.Qosimbetova, B.Ibragimov

K Ú N T Á R T I B I N D E :

1. 2-kurs tariyx (baǵdarlar hám xızmet túrleri boyınsha) magistrantlarınıń magistrlik dissertaciyasınıń isleniw barısı haqqında dokladların tıńlaw máselesi.

2. Ózbekstan hám Qaraqalpaqstan tariyxı kafedrasında 2021-2022-oqıw jılında magistrantlardıń ilimiy pedagogikalıq iskerligin pedagogikalıq basshılarǵa bekitiw haqqında

Kafedra baslıǵı PhD. I.Elmuratov búgingi kafedra májlisin ashıp berdi hám kún tártibine qoyılǵan máseleler menen tanıstırdı.

Kún tártibindegi birinshi másele boyınsha kafedra baslıǵı PhD. I.Elmuratov sózge shıqtı, ol óz sózinde magistrantlardıń dissertaciya temaları boyınsha toqtalıp ótti.
Har bir magistrant ózlerine júkletilgen tapsırmalardı óz waqtında orınlawın támiyinlewi kerekligin aytıp ótti. Magistrantlardıń tayarlap kelgen dokladları tıńlandı, sorawlar berildi, sorawlarǵa juwaplar alındı, usınıslar berildi.
Ekinshi máseledegi magistrantlardıń ilimiy pedagogikalıq iskerligin alıp barıw jumısları haqqında kafedra prof. B.Qoshanov hám kafedra docentleri M.Seytimbetov, Q.Tangirbergenova, S.Saymanovlar shıǵıp soyledi, olar sentyabr ayınan baslap ózlerine bekitilgen magistrantlar menen birgelikte ilimiy pedagogikalıq iskerlik barısın shólkemlestiriwin aytıp otti. Bul sabaqlar sheberlik hám informaciyalıq texnologiyalardı qollanǵan halda oqıtıw kerekligin, sonday-aq sabaq protsesin mazmunlı otkeriw kerekligi ayrıqsha atap ótildi. Olardıń esabatları hám materialları óz waqtında tapsırılıwı kerekligi haqqında aytılıp ótildi.

Májilis sońında kafedra baslıǵı PhD. I.Elmuratov bárshe pikirlerdi tıńladı. Joqarıda keltirilgen bárshe máselelerge aydınlıq kiritti hám kafedra májlisiniń qararın belgiledi.

Májilis qarar etedi:

1. 2-kurs tariyx (baǵdarlar hám xızmet túrleri boyınsha) magistrantlarınıń magistrlik dissertaciyası temaları hám ilimiy basshıları bekitilsin hám dissertaciya jumısınıń isleniw barisin tekseriw ilimiy basshılarǵa jukletilsin.

2. Ózbekstan hám Qaraqalpaqstan tariyxı kafedrasında 2021-2022-oqıw jılında magistrantlardıń ilimiy pedagogikalıq iskerligin alıp barıw jumısları óz waqtında tamiyinlensin.

Kafedra baslıǵı: PhD. I.Elmuratov

Xatker: ass. S.Allamuratova