Mishyak, surma, vismut va ularning birikmalari

SURMA
6. Surmaning olinishi
Surma (III) sulfidini ozgina natriy karbonat bilan aralashtiring. Hosil bo’lgan aralashmani ko’mir bo’lakchasidagi chuqurchaga joylashtiring. Issiq bardosh qisqich bilan ko’mirli gorelka alangasiga qo’ying va qaytaruvchi alanga bilan qizdiring (2 - rasm). (Qaytaruvchi alangani havo bilan puflab hosil qilish mumkin). Reaksiyada qanday mahsulotlar hosil bo’ladi? Reaksiya tenglamalarini yozing.

2-rasm. Metalloksidlarini ko’mir bo’lakchasida qaytarish.

7. Surma va konsentrlangan sulfat kislotaning o’zaro ta'siri
(Ishni mo’rili shkafda o’tkazing)
Probirkaga bir necha tomchi kichkina surma kristallarini soling va ozgina konsentrlangan sulfat kislota qo’shing. Probirkani shtativga o’rnatib, past alangada ehtiyotlik bilan qizdiring. Reaksiya natijasida qanday gaz ajralib chiqadi? Reaksiya tenglamasini yozing.


8. Surma (III) gidroksidini olinishi va xossalari

1. 
   Surma (III) gidroksidini oling, ishqor ortiqchaligiga ehtiyot bo’ling.
   Cho’kmani rangiga va holatiga e'tibor bering. Reaksiya tenglamasini yozing.
   

1. 
   Olingan cho’kmani ikkiga bo’ling va uni HCl va NaOH eritmalariga
   munosabatini sinab ko’ring. Natriy tetragidroksostibit (III) Na[Sb(OH₄)]
   eritmasini 9-tajriba uchun saqlab qo’ying. Surma (III) gidroksidini kimyoviy
   xossalari haqida xulosa qiling. Reaksiya tenglamalarini molekulyar va ionli
   holda yozing.
   

9. Natriy tetragidroksostibit (III) ning qaytaruvchilik xossalari
AgNO₃ eritmasiga Ag₂O cho’kmasining erib ketgunicha ammiak eritmasidan qo’shing. Keyin natriy tetragidroksostibit (III) Na[Sb(OH₄)] eritmasini soling (8b) tajribada olingan) va qizdiring. Cho’kma hosil bo’lishini kuzating. Reaksiya tenglamasini va elektronlar o’tish tartibini yozing. Natriy tetragidroksostibit (III) bu reaksiyada qanday xossalarni namoyon qiladi?