Mirzo Ulug’bek nomidagi O’zbekiston Milliy universiteti Ijtimoiy fanlar fakulteti milliy g’oya, ma’naviyat asoslari va huquq ta’limi yo’nalishi 4-kurs talabasi Musayev Ilhomning O’zbekiston Respublikasi Navoiy viloyati Qiziltepa Ma'rifat targʻibot

Talaba: Musayev Ilhom


Yettinchi haftalik hisoboti.
Men Musayev Ilhom ushbu hafta davomida 19-may sanasida O‘zbekiston tasviriy san’at galereyasida “Ma’naviyat festivali”ni o‘tkazish masalalariga bag‘ishlangan matbuot anjumaniga qatnashdim.
Ushbu tadbir respublikamiz viloyatlarida va Qoraqalpog‘iston Respublikasida 2-marotaba tashkil etilmoqda. Festival doirasida o‘tkaziladigan tadbirlar hamda uni tashkil etishda amalga oshiriladigan ishlar yuzasidan ishlab chiqilgan dasturda har bir hududning ijtimoiy holat va qadriyatlari hisobga olindi.
Festival davomida “Ma’rifat soati”, “Oila – ma’naviyat qo‘rg‘oni”, “Ayolga ehtirom”, “Mening farzandim – O‘zbekiston faxri”, “Ziyolilar forumi”, “Inson qadri”, “Zukko bolajon”, “Teatrlar haftaligi”, “Ma’rifat tur”, “Mehr-muruvvat va saxovat” loyihalari tashkil etiladi.
“Uchinchi Renessans – ma’rifatli jamiyat sari!” mavzusida konferensiya, kitobxonlikni keng targ‘ib qilishga qaratilgan “Ma’rifat ulashib”, “Qadrdon maktabimga kitob sovg‘a qilaman” aksiyalari, yozuvchi va shoirlar bilan ijodiy uchrashuvlar, “Ma’rifat soatlari” ham bo‘lib o‘tadi.

Bundan tashqari, “Milliy qo‘shiqlar va maqom”, “Vatan madhi”, “Baxshilar tarannumida” nomli konsert dasturlari, “Oila – ma’naviyat qo‘rg‘oni” nomli psixologik suhbatlar hamda “Ma’rifat ziyo” platformasi taqdimoti bo‘lib o‘tadi.
Mazkur festivalda 18 ta loyiha doirasida 252 ta ma’naviy-ma’rifiy tadbirlar o‘tkazilishi va 3 millionga yaqin aholini qamrab olish ko‘zda tutilgan. Tadbirlar joriy yilning may oyidan boshlanib, yil yakuniga qadar davom etadi. Festival Respublika Ma’naviyat va ma’rifat markazi, Oliy Majlis huzuridagi jamoat fondi, "Ma’rifat" targ‘ibotchilar jamiyati va boshqa tashkilotlar hamkorligida o‘tkaziladi.
“Ma’naviyat festivali” tadbirlarida keng targ‘ibot ishlarini amalga oshirish uchun barcha viloyatlar, Toshkent shahri, Qoraqalpog‘iston respublikasidan 500 nafarga yaqin pedagoglar, professorlar, huquqshunoslar, psixologlar, san’at va madaniyat xodimlaridan iborat faol targ‘ibotchilar guruhi ish olib boradi.


Talaba: Musayev Ilhom