Mirzo ulug’bek nomida samarqand davlat arxitektura-qurilish instituti muhandislik kommunikasiyalari qurilishi fakulteti “bino va inshootlar kadastri” kafedrasi

Raqamli vektorli karta.
Raqamli vektor kartografik ma’lumot o’z ichiga ma’lum masshtab, proyeksiya, koordinatalar sistemasidagi berilgan hudud uchastkasini ta’rifini jamlaydi. Unga hududdagi jismlarning materik (masofaviy) va semantik (atributiv) xossalarining haqiqiy (ko’l, o’rmon va h.k.) va shartli (suv bosgan hudud, ma’muriy chegara va h.k.) ta’riflarini jamlanmasi sifatida keltirilgan.
Bundan tashqari, vektorli kartaning ichida ma’lumotli matn va foydalanuvchilarning maxsus ma’lumotlari jamlanishi mumkin.
Raqamli vektor kartografik ma’lumot saqlanish holatida SXF formatida (SXF formatining texnik tasnifi – “Hudud to’g’risidagi raqamli ma’lumotning ochiq formati”) berilishi mumkin.
SXF formatdagi bir dona fayl raqamli xaritaning 1 nomenklaturali yoki shartli varag’iga to’g’ri keladi.
Panorama tizimi ochiq SXF formatida namoyish etilgan vektorli xaritalarni qayta ishlashga mo’ljallangan. Boshqa formatdagi ma’lumotlar (F1, F1M, F20V, F20S, DXF va b.) esa SXF formatiga yoki aksincha SXF formatidan boshqa formatga, OC MS-DOS uchun Panorama elektron xaritalar tizimining dasturiy ta’minoti yordamida o’chirish mumkin.
Raqamli vektor kartalar to’g’risidagi ma’lumotlar quyidagi tuzilmalarga ega:

• 
  Xarita varag’i to’g’risida pasport ma’lumotlar (masshtab, proyeksiya, koordinatalar tizimi, varaq burchaklarining to’g’ri burchakli va geodezik koordinatalari va h.k.);
  
• 
  Xarita jismlarining metrik ma’lumotlari (hududdagi jismlarning koordinatalari);
  
• 
  Xarita jismlarining semantik ma’lumotlari (jismlarning turli xossalari);
  
• 
  Vektorli xaritaning ayrim jismlarini qatlamlari, lokalizasiya xususiyatlari va foydalanuvchi tomonidan o’rnatilgan belgilar bo’yicha mantiqiy birlashtirish mumkin.
  

Bu holda, turli amaliy masalalarni yechishda qo’llaniladigan ma’lumotlarni tasvirlash iyerarxik tuzilmasi shakllanadi.
Vektorli elektron xaritalarning ma’lumotlar tuzilmasi raqamli xaritalar tuzilmasini ma’lum semantik tavsifga ega, bir-biriga o’xshash jismlarni tasvirlashda qo’llaniladigan shartli ma’lumotlar bilan to’ldiradi (Masalan, beton yo’l va asfalt yo’l har xil rangdagi chiziqlar bilan tasvirlanishi mumkin).
Vektorli xaritalardagi jismlarning turlari jismlarning semantik tavsifi (xususiyatlari, atributlari), jismlar birlashtiriladigan qatlamlar, elektron xaritalarni grafik qurilmalarda shakllantirishda qo’llaniladigan shartli belgilarning ta’riflari elektron xaritalarning raqamli klassifikatorida (resurs fayli) saqlanadi.