Мирзо Улуғбек номидаги Ўзбекситон Миллий университетиКимё факультети Аналитик кимё кафедраси декабрь 2020- йил сонли илмий семинари

Кун тартиби:
1. 1- курс магистранти Л.Сагдуллаеванинг илмий семинаридаги маърузаси.


Эшитилди: В.б. кафедра мудири Зияев Д.А сўзга чиқиб семинарни очиб берди. Шундан сўнг Л.Сагдуллаеванинг “Ажратиш ва аниқлаш методлари , синфланиши, асосий тушунчалари.Методнинг сезгирлиги, танлаб таъсир этувчанлиги, селективлиги, методнинг қулайлиги, қўлланилиш соҳалари ва ушбу методнинг камчиликлари ҳақида айтиб ўтилди. Реакцияларнинг бажарилиш шароитлари, аналитик хоссалари, катион ва анионларнинг синфланиши” мавзусидаги семинари тингланди.Семинар давомида мавзу юзасидан бир неча саволлар берилди:

1. 
   Проф. в.б. Н.Т.Турабов:Ажратиш ва концентрлаш методининг гибридли усули деганда нимани тушунасиз?
   

Сагдуллаева Л: Икки ёки ундан ортиқ методларнинг қўшилишидан янги методнинг ҳосил бўлишидан гибридли метод ҳосил бўлади. Бунга мисол қилиб масс спектроскопик ва хромотографик усулнинг бирлашиб гибридли усулнинг ҳосил қилиш . Гибридланиш методининг аниклиги юқори булади.

2. 
   PhD Д.А.Зияев: Катион ва анионларни аниқлашда нима учун сульфидли усулдан фойдаланмиймиз?
   

Сагдуллаева Л: Чунки сульфидлар захарли бўлгани учун сульфидли усулдан фойдалана олмаймиз.
Семинар юзасидан қуйидаги фикрлар билдирилди:

1. 
   Проф. в.б. Н.Т.Турабов: Мавзу тўлиқ ёритилмади, маърузачининг илмий салоҳияти камлик қилди. Лекин биринчи маърузасилиги инобатга олинса, ёмон эмас.
   
2. 
   Н.Х.Қутлимуротова: Мавзу тўғри танланган. Тингловчилар учун топшириқлар тайёрланган. Мавзуни ёритиш давомида доска билан кўпроқ ишласа яхши бўларди.
   
3. 
   В.б. кафедра мудири Д.А.Зияев: Маъруза яхши тайёрланган. Камчиликлари бор, лекин ютуқлари ҳам бор.
   
4. 
   Турамбетова А.К: Мавзу мультимедиялар ва техник воситалардан презинтациялар асосида фойдаланиб тушунтирилди.Аммо мавзуни амалиёт билан боғлаб ўтилганда янада яхши бўларди.
   

Қарор қилинди:
Л.Сагдуллаеванинг “Ажратиш ва аниқлаш методлари , синфланиши, асосий тушунчалари. Реакцияларнинг бажарилиш шароитлари, аналитик хоссалари, катион ва анионларнинг синфланиши” мавзусидаги семинари ижобий деб ҳисоблансин ва қабул қилинсин.