Мирзо Улуғбек номидаги Ўзбекистон Миллий университетининг ўқув-лаборатория жиҳозлари билан таъминланганлик ҳолати ва улардан фойдаланиш самарадорлигини ўрганилганлиги тўғрисида

Мирзо Улуғбек номидаги Ўзбекистон Миллий университетининг ўқув-лаборатория жиҳозлари билан таъминланганлик ҳолати ва улардан фойдаланиш самарадорлигини ўрганилганлиги тўғрисида
МАЪЛУМОТ
Тошкент “ ” апрель 2021 йил
Олий ва ўрта махсус таълим вазирлигининг 2021 йил 31 мартдаги “Олий таълим муассасаларининг ўқув-лаборатория жиҳозлари билан таъминланганлиги ҳамда улардан фойдаланиш самарадорлигини ўрганиш тўғрисида”ги 155-сон буйруғига мувофиқ Ишчи гуруҳ аъзолари .........., .........., лар Мирзо Улуғбек номидаги Ўзбекистон Миллий университетининг олий таълим муассасаларининг давлат бюджети, бюджетдан ташқари маблағлари, хорижий донор ташкилотларининг кредит ва грант маблағлари ҳисобидан харид қилинган ўқув-лаборатория жиҳозларидан самарали фойдаланиши ҳамда ўқув-лаборатория жиҳозларининг фан дастурларида келтирилган лаборатория ишларини қамраб олиш даражасига, ўқув лаборатория ишларини ташкил этиш бўйича методик кўрсатмаларнинг ишлаб чиқилганлиги ҳолатлари ўрганилди.
Ўрганиш давомида қўйидагилар аниқланди:
1. Олий таълим муассасаларида давлат бюджети, бюджетдан ташқари маблағлари, хорижий донор ташкилотларининг кредит ва грант маблағлари ҳисобидан харид қилинган ўқув-лаборатория тўпламлари тўғрисидаги умумий маълумотлар(уларнинг ўрнатилганлиги, рўйхатга олинганлиги, сертификатларининг мавжудлиги ва бошқалар).
Биофизика кафедрасида Биокимё фанидан янги лаборатория жиҳозлари билан фойдаланиш йўлга қўйилган ва мавжуд бўлган маънан эскирган лаборатория жиҳозларидан фойдаланилади.
Магистратура талабалари фойдаланиши учун замонавий асбоб-ускуналар, яъни магнитли аралаштиргич, тарози, горизантал гель электрофорез ва вертикал гель электрофорезлар мавжуд.
2. Ўқув-лаборатория майдонларининг белгиланган меъёр талабларига мослиги, жиҳозлардан тўлиқ фойдаланиш учун зарур бўлган инфратузилмаларнинг(электр, сув таъминоти, оқава сув тизими ва бошқалар) мавжудлиги.
Кафедрада жами 5 та хонага лаборатория жиҳозлари жойлаштирилган. Ўқув лабораториялари учун майдонлар етарли. Барча лаборатория хоналарининг ўлчамлари ҳар бири камида 36 м² дан ва ундан катта. Лаборатория шароити умумий талабларга мос келади, сув таъминоти бор, сув-канализация тизими ишлайди ҳамда шамоллатиш тизими ҳам мавжуд.
3. Ўқув-лаборатория жиҳозларининг таълим йўналишлари
ва мутахассисликлари ўқув режасига мувофиқ фан дастурларида келтирилган лаборатория ишларини қамраб олиш даражаси.
Кафедрада 5140100–Биология бакалавриат йўналишлиши ва 5А140103 – Биофизика ва биокимё ва магистратура мутахассислигининг ўқув режаларига мувофиқ фан дастурларида келтирилган лаборатория ишларини бажариш учун керакли лаборатория жиҳозлари етарли эмас.
4. Мавжуд лабораторияларнинг ёрдамчи материаллар (реактивлар, реогенлар ва бошқалар) ҳамда услубий-меъёрий ҳужжатлар билан таъминланганлиги.
Бакалавриат йўналишига тегишли ўқув лабораторияларининг барчасидан услубий қўлланмалар икки тилда ўзбек, рус тилларида яратилган. Биокимё ва молекуляр биология фанидан лаборатория ишларининг алоҳида услубий қўлланмаси ҳам чоп этилган.
5. Олий таълим муассасалари имкониятидан келиб чиқиб, ўқув муассасаси ҳудудидан ташқарида (ишлаб чиқариш корхонаси, ташкилотлар, ўқув тажриба хўжалиги ва шу кабиларда) бажарилаётган лаборатория ишларининг улуши, бу борада ҳамкорликда амалга оширилаётган чора-тадбирлар.
5А140103-Биофизика ва биокимё магистратура мутахассислиги ўқув режасидаги фанларнинг дастурида белгиланган лаборатория ишларини бажариш учун ЎзМУ ҳузуридаги Биофизика ва биокимё институти, Инновацион ривожланиш Вазирлиги ҳузуридаги Илғор технологиялар маркази, ЎзР ФА Микробиология институти, ЎзР ФА Биоорганик кимё институти ва ЎзР ФА Ўсимлик моддалари кимёси институти лабораторияларидан фойдаланиб келмоқда. Магистратура мутахассисликлари талабалари МДИлари, илмий ва малакавий амалиётларини шу ташкилотларда ўтамоқда.
6. Виртуал ва ахборот коммуникация технологияларидан фойдаланилган ҳолда амалга оширилаётган лаборатория машғулотларининг улуши.
Кафедрада Биокимё ва молекуляр биология фани бўйича мавжуд лаборатория машғулотларининг бир қисми учун уларнинг виртуал шакллари тайёрланган.
7. Ўқув-лаборатория ускуналарининг кафедралар, факультетлар ҳамда турдош олий таълим муассасалари ўртасида фойдаланиш даражаси.
Бошқа турдош олий таълим муассасалари фойдаланади.
8. Ўқув лаборатория жиҳозларини илмий тадқиқот ишларини бажаришда қўлланилиш ҳолати. Илмий ишланмалаларни тижоратлаштириш, хўжалик шартномалари ва илмий лойиҳаларни бажаришда мазкур ускуналардан фойдаланилиши даражаси.
Азиз Санжар номидаги тармоқлараро лабораториясидаги лабораторияларидаги бир қисм асбоблар таянч докторантлар, магистрантлар ва кафедра ходимлари илмий-тадқиқот мақсадида фойдаланишмоқда. Кафедраларда мавжуд ўқув лаборатория асбоблари илмий-тадқиқот соҳасида ҳам фойдаланилмоқда.
9. Мавжуд лаборатория тўпламларидан фойдаланишдаги муаммолар
ва уларни бартараф этиш бўйича таклифлар (чора-тадбирлар режаси).
Кафедрада мавжуд лаборатория ишларидан фойдаланиш бўйича янги давлат бюджети ҳисобидан олинган асбобларни ишлатиш бўйича муаммо йўқ, лекин Биокимё ва молекуляр биология фанидан ўтказиладиган лаборатория ишларини бажаришда баъзи бир камчиликлар кузатилмоқда. Лаборатория ишларини бажариш учун айрим жиҳозларни янгилаш ва таъмирлаш, шунингдек реактивлар билан таъминланиши лозим. Реактивлар билан ишлаш учун мўрили шкафи мавжуд эмас, шунингдек шамоллатиш тизими ишламайди.
10. Олий таълим муассасаларида ўқув-лаборатория тўпламларига, жиҳозларига бўлган қўшимча эҳтиёжни ўрганиш.
Кафедрада мавжуд бакалавр йўналишларидаги ихтисослик фанлари ва магистратура йўналишларидаги лаборатория ишлари ишчи ҳолатда, аммо асбобларнинг кўпчилигимаънавий эскирган. Янги асбоблар олиш учун зарурий асбоблар рўйхати, бу асбобларни ишлаб чиқарувчи фирмалар ҳамда уларнинг нархлари ҳақидаги маълумотлар руйхати тайёрланган ва университет рахбариятига тақдим этилган.

Ректор _____________
Ўқув ишлар бўйича проректор ______________
Масъул шахс ______________

Ишчи гуруҳ аъзолари: _____________
_____________
_____________