Мирзо улуғбек номидаги

Олий таълим тизимида ижтимоий гуманитар фанларни ўқитишнинг халқаро тажрибаси” фанининг объекти, мақсад ва вазифалари.

Олий таълим тизимида ижтимоий гуманитар фанларни ўқитишнинг халқаро тажрибаси фани – бу ижтимой гуманитар фанларнинг келиб чиқиши, ривожланиши, ўрганилиш аҳамияти, уни ўқитишнинг энг муҳим масалалари, ўзига хос хусусиятлари, меъёрлари, ва тамойилларини халқаро тажриба асосида илмий-назарий жиҳатдан тадқиқ этган ва асослаган ҳолда ўрганувчи фандир.
Бир сўз билан айтганда, мазкур фан ижтимоий гуманитар фанларни ўқитишнинг миллий ва халқаро тажрибасини ўзаро фарқлайди, унинг истиқболларини ишлаб чиқади ҳамда илмий-амалий жараёнга йўналтириш масалалари билан шуғулланади. Бундан кўзланган асосий мақсад, ижтимой гуманитар фанларни ўқитишнинг энг қулай, илғор ва замонавий усул ва техникасини яратиш орқали миллий таълим тизимида ижтимой гуманитар фанларнинг тутган ўрнини ошириш ва уни халқаро таълим стандард талабларига мослаштириб боришдан иборат.
Олий таълим тизимида ижтимоий гуманитар фанларни ўқитишнинг халқаро тажрибаси фанининг предмети – бу ижтимоий гуманитар фанларни олий таълим миқёсида ўқитишнинг бир неча минг йиллик тарихий ва замонавий тажрибасидир. Масалан, ижтимоий гуманитар фанларни олий таълим миқёсида ўқитишнинг Америка тажрибаси, Германия тажрибаси (давлатлар таълим тизими кесимида) ёки Гарвард тажрибаси, Стандфорд тажрибаси (университетлар кесимида) ва ҳоказо.
Олий таълим тизимида ижтимоий гуманитар фанларни ўқитишнинг халқаро тажрибаси фанининг объекти – бу ижтимоий гуманитар фанларни олий таълим миқёсида ўқитишда илғор халқаро тажрибалар, уларнинг келиб чиқиши, ривожланиши, аҳамияти, ўзига хос хусусиятлари, меъёрлари, ва тамойилларини ўрганишдир. Масалан, гуманитар фанларни ўқитишда Россиянинг энг нуфузли олий таълим муассаслари қандай йўлни босиб ўтган, қандай хорижий тажрибадан фойдаланади ёхуд улар қандай усулларни қўллайди каби.
Олий таълим тизимида ижтимоий гуманитар фанларни ўқитишнинг халқаро тажрибаси фанининг мақсад ва вазифалари.
Биринчидан, мамалакатимиз олий таьлим тизимида талабаларнинг ярмидан кўпи (номутахассислик фани сифатида ҳисоблаганда деярли барчаси) ижтимоий гуманитар фанларни ўрганишади. Сабаби мазкур фанлар барча фан тармоқлари ва илмий-амалиётнинг бош, асосий, бирламчи тушунчалари ва фундаментал асосларини ўз ичига олиб, бошқа фанлар билан узвий боғлиқдир. Шу боисдан, мазкур фанларни ўқитишда миллий тизим ва тажриба билан чекланиб қолиш бугунги замон илм-фан талабларига мос келмайди.
Иккичидан, халқаро тажрибалардан келиб чиқиб, олий таълимнинг илғор стандартларини жорий этиш, жумладан ўқув дастурларида назарий билим олишга йўналтирилган таълимдан амалий кўникмаларни шакллантиришга йўналтирилган таълим тизимига босқичма-босқич ўтиш; олий таълим мазмунини сифат жиҳатидан янги босқичга кўтариш, ижтимоий соҳа ва иқтисодиёт тармоқларининг барқарор ривожланишига муносиб ҳисса қўшадиган, меҳнат бозорида ўз ўрнини топа оладиган юқори малакали кадрлар тайёрлаш тизимини йўлга қўйишда мазкур модулнинг вазифалари намоён бўлади.
Учинчидан, олий таълим муассасаларида ижтимоий гуманитар фанларни ўқитиш самарадорлигини баҳолаш ва такомиллаштириш бўйича илғор хорижий тажрибаларни ўрганиш асосида уларни республика олий таълим муассасалари шароитида қўллаш бўйича тавсиялар ишлаб чиқишдан иборат.

3.