Mirsaid Aripov, Nurillo Otaxanov

7.6. Massiv elementlarini tartiblash

Massiv elementlarini o`sish tartibida tartiblash talab qilingan bo`lsin. Bu holda uning elementlarini shunday qayta joylashtiriladiki,

a[1] < a[2] < .. .< a[n]

sharti o`rinli bo`ladi. Bu yerda n - massivning yuqori indeksi.

Massiv elementlarini tartiblash masalasi axborot tizimlarida odatda tayyorgarlik bosqichida qo`llanadi. Masalan, tartiblangan massivdan biror ma`lumotni izlash tartiblanmagan massivga nisbatan tezroq bajariladi. (Ikkiga bo`lish usuli bilan qidirish masalasiga qarang.)

Massiv elementlarini tartiblash masalasini eng kichik elementlar, ko`piksimon tartiblash, tartiblangan jadvalga yangi elementni qo`shish, ikki tartiblangan massivlarni qo`shish kabi usullar yordamida hal qilish mumkin. Bu usullardan birortasini boshqasidan ustun qo`yib bo`lmaydi.