Mirsaid Aripov, Nurillo Otaxanov

Dasturning to`xtatish nuqtalari. Hatolar bilan ishlash jarayonida dasturlarning to`xtatish nuqtasi degan usuldan ham keng foydalaniladi. Bu usulning g’oyasi quyidagicha: dasturchi dasturning ayrim buyruqlarini belgilab qo`yadi (to`xtatish nuqtalarini ko`rsatadi). Shu buyruqqa kelganda dastur o`z ishini to`xtatadi va dasturchi trassirovka jarayonini boshlashi yoki o`zgaruvchilarning qiymatlarini kuzata olishi mumkin.

Dasturga to`xtatish nuqtasini (Breakpoint) qo`shish uchun Run →Add Breakpoint→Source Breakpoint tugmalarini chertish lozim. Natijada Add Source Breakpoint dialog oynasi (14.5-rasm) ochiladi. Unda qo`shilayotgan to`xtatish nuqtasini haqidagi axborotni ko`rish mumkin. Filename maydoni to`xtatish nuqtasi qo`shiladigan dastur fayli nomini, Line number maydoni— dasturda to`xtatish nuqtasi qo`yilgan satr nomerini anglatadi. OK tugmasi chertilganidan keyin, to`xtatish nuqtasi qo`yilgan satr boshqa rang bilan ajratib qo`yiladi. (14.6-rasm).

To`xtatish nuqtasini biror shartga bog’lab qo`yish ham mumkin. Shu shart o`rinli bo`lganda dastur o`z ishini shu nuqtada to`xtatadi. (masalan, o`zgaruvchining qiymati biror songa teng bo`lsa). Shart (mantiqiy ifoda) Add Source Breakpoint dialog oynasining Condition maydoniga yoziladi. Agar to`xtatish nuqtasi biror shartga bog’langan bo`lsa, dastur o`z ishini ana shu shart True bo`lgandagina to`xtatadi.

To`xtatish nuqtasini biror buyruqning bajarishlar soniga ham bog’-lash mumkin. Buning uchun Add Source Breakpoint dialog oynasining Pass count (o`tishlar soni) maydoniga noldan farqli sonni kiritish lozim.

14.5-rasm. Add Source Breakpoint buyrug’ining dialog oynasi