Mirsaid Aripov, Nurillo Otaxanov

10.7. Tartiblangan ro`yxatlar

Odatda ro`yxat elementlari qandaydir usul bilan tartiblangan bo`ladi. Bu tartiblash biror maydonning elementlari bo`yicha amalga oshiriladi. Masalan, odamlar haqidagi ma`lumotlar familiyalar kiritilgan maydon bo`yicha tartiblangan bo`lishi mumkin.

Elementni ro`yxatga qo`shish. Elementlarni ro`yxatga qo`shish ko`rsatkichlarga tuzatmalar kiritish orqali amalga oshiriladi. Yangi elementni tartiblangan ro`yxatga qo`shish uchun, tartiblangan ro`yxatdan bu element qayerda turishi kerakligi aniqlanadi. Shundan keyin ko`rsatkichlarga zarur tuzatmalar kiritiladi. Yangi element ko`rsatkichini tartiblangan ro`yxatda undan avval keladigan elementni ko`rsatayotgan elementga qaratiladi. Yangi elementdan oldin turishi kerak bo`lgan elementning ko`rsatkichini yangi elementga qaratiladi. (9.9-rasm.).

9.9-Rasm. Tartiblangan ro`yxatga yangi element qo`shish

9.5-listingda keltirilgan dastur (interfeysi-9.1-rasm) Familiya maydoni bo`yicha tartiblangan ro`yxatni hosil qiladi. Ro`yxatga elementlar Edit1 va Edit2 maydonlardan olinadi hamda Qo`shib qo`yish tugmasi chertilganda yangi ellementni ro`yxatga Familiya maydoni bo`yicha tartibni saqlagan holda qo`shib qo`yiladi.