Mirsaid Aripov, Nurillo Otaxanov

2. Uslubchilar tomonidan yaratiladigan adabiyotlar. Bu adabiyotlar 1-turdagiga nisbatan o`z ichiga kamroq ma`lumot oladi, ammo ommabop qilib yozilganligi hisobiga ko`pchilik uchun tushunarli bo`ladi. Muallif o`z oldiga bitta kitobda ko`pgina ma`lumotlarni keltirishni emas, balki oz bo`lsada, hammaga tushunarli bo`lgan ma`lumotlarni qamrab olishni maqsad qilib qo`yadi. Bunda u asosiy e`tiborini mavzuning eng muhim mavzulariga qaratib, ularni to`la ochib beradi. Ko`plab qiziq, ammo boshlovchilar uchun qiyin va chalkash bo`lgan mavzular kiritilmaydi. Ammo, bunday kitoblar boshlovchi dasturchilarga o`rtacha murakkablikdagi masalalar uchun dastur yozishga yetarli bo`ladi.

Ushbu kitob ikkinchi toifaga mansub bo`lib, o`z ichiga Delphi bo`yicha boshlang’ich ma`lumotlar, dasturlashning fundamental asoslari, ma`lumotlarning bazaviy strukturalari va ular bilan ishlash asoslari, muhitning eng muhim imoniyatlari, qisqa qilib aytganda, dasturlash tillarini endigina o`rganishga kirishgan dasturchilar uchun kerak bo`lgan barcha ma`lumotlarni qamrab olgan.

Kelajakda professional darajadagi dasturchi bo`lib etishishi uchun biror dasturlash tilining o`zini bilish yetarli emas. Chunki, amaliy va nazariy dasturlash asoslarini o`zlashtirmay turib, dasturlashni o`rganish mumkin emas. Shuning uchun, biz kitobxonlarga ushbu kitobdan tashqari, D. Knutning "Исскуство программирования " hamda V.F. Ochkov va Y.F. Puxnachyovning "128 советов начиняюшему программисту" kitoblarini ham albatta o`qib chiqishlarini tavsiya qilamiz.