Mirsaid Aripov, Nurillo Otaxanov

11.4. Ob’yektning hususiyatlari va inkapsulyatsiyasi

Inkapsulyatsiya deganda faqat klassning metodlari yordamida murojaat qilinishini ta`minlash maqsadida ob’yekt maydonlarni yashirish tushuniladi.

Ob’yekt maydonlariga murojaat qilishdagi cheklov uning hususiyatlarini ko`rsatish bilan amalga oshiriladi. Ob’yekt hususiyatlari hususiyat qiymatini saqlovchi maydon hamda hususiyat maydonlariga murojaat qilish uchun ikki metod bilan xarakterlanadi. Hususiyat qiymatlarini tayinlash –yozish metodi (write), hususiyat qiymatini olish usuli esa o`qish metodi (read) deyiladi.

Klassni e`lon qilishda hususiyat nomidan avval property (hususiyat) so`zi yoziladi, keyin uning tipi va hususiyat qiymatlariga murojaat qilish metodlarining nomlari ko`rsatiladi. Read so`zidan keyin hususiyatni o`qish metodining nomi, write dan keyin esa hususiyatni saqlash metodining nomi yoziladi. Quyida Name va Address hususiyatlari mavjud bo`lgan Tperson klassi e`lon qilinmoqda.