Ómir qáwipsizligi páni haqqinda tu`sinik. (2 saat)

Ózbekstan Respublikası MK niń 98-statyasına muwapıq miynet shartnaması tómendegi tiykarlarda biykar ótiliwi múmkin;
1. Tárepler keliskende.
2. Táreplerden birewiniń intası menen.
3. Múddeti tamam bolǵanda.
4. Táreplerdiń ıqtıyarına baylanıslı bolmaǵan jaǵdaylarǵa muwapıq.
5. Miynet shartnamasında kózge tutılǵan tiykarlarǵa muwapıq.
Ózbekstan Respublikası MK niń 98-102 statyalarında miynet shartnamasın xızmetkerdiń intası menen, jumıs beriwshiniń intası menen biykar etiw tiykarları hám usı qatnaslarǵa baylanıslı qaǵıydalar kórsetilgen.Xızmetkerler jumıstan bosatılıw haqqında kásiplik awqam komittine bildirip, ózin qorǵawdı talap etihhuqıqına iye. Adminstratsiya tek arnawlı kórsetilgen hákimyat wazıypalarfın iyelep turǵanlar menen, tańlńaw boyınsha saylap qoyılatuǵın wazıypaları iyelep turǵanlar menen tárip haqqındaǵı nızamlarǵa muwapıq jumıstan bosatılatuǵınlar menen kásiplik awqam komitetiniń razılıǵısız miynet shartnamasın biykarlawa múmkin.Miynet shartnamasın jumıs beriwshiniń intası menen biykar etiw tiykarlarına tómendegi jaǵdaylar kiredei.
1. Texnologiyalıq miynet hám óndiristi shólkemlestiriwdegi ózgerisler, xızmetkerlerdiń sanı qısqarǵanda yamasa kárxana saplastırılǵanda.
2. Xızmetkerlerdiń mamanlıǵı jetkilikli bolmaǵanı yamasa nawqaslıǵı nátiyjesinde bul iske ılayıq emes ekenligi anıqlanǵan jaǵdayda.
3. Xızmetkerler óz miynet wazıypaların turaqlı ráwishte buzǵanda áwlele miynet wazıypaların buzǵanlıǵı ushın xızmetkerdiń tártipke shaqırılǵanı yamasa materiallıq juwapkershilikke tartılǵan yaki ol jóninde miynet haqqındaǵı nızamlarda kózge tutılǵan tásir jasaw sharaları qollanılǵan kúnnen baslap bir jıl dawamında tákirarlı túrde háreket islewi miynet wazıypaların turaqlı ráwishte buzıw esaplanadı.
4. Xızmetkerlerdińóz miynet wazıypaların bir márte turpayı ráwishte buzǵanda.
5. Eki jumıstı qatar isleytuǵın basqa adamdı jumısqa qabıl etkende.
6. Múlik iyesiniń almasıwı sebepli kárxananıń basshısı menen shártnaması biykarlanǵanda.
Bunnan tısqarı Ózbekstan Respublikası MK niń 103,104,105, 106-statyalarında da hárqıylı jaǵdayda miynet shartnamalarınıń biykarlanıw sebepleri kórsetilgen. Jumıstan bosatılǵanda yamasa miynet shartnaması biykar etilgende adminstratsiya buyrıq jazadı hám miynet dáptershesine anaw yamasa mınaw xızmetker ne sebepli jumıstan bosatılǵanlıǵı kórsetiledi. Jumıstan bosatılǵanlıǵı kórsetiledi. Jumıstan bosatılǵan xızmetkerge Ózbekstan Respublikası MK niń 190-110 statyalarına muwapıq napaqa hám is haqı tólenedi. Miynet dáptershesi qolına beriledi. Miynet dáptershesin qolına alǵan kúnnen baslap xızmetker jumıstan bosatılǵan bolıp esaplanadı. Ózbekstan Respublikası MK niń 112-statyasında miynet shartnamasın nızamǵa qayshı ráwishte biykarlaw hám xızmetkerdi nızamǵa qayshı ráwishte basqa jumısqa ótkergenligi ushın jumıs beriwshiniń juwapkershiligi kórsetilgen.