Министерство высшего и среднего специального образования Республики Узбекистан

IZOHLI LUG‘AT
FAOLLIK - tirik materiyaning umumiy xususiyati bo‘lib, tevarak atrofdagi muhit bilan o‘zaro ta’sirda bo‘lishda namoyon bo‘ladi. Psixik faollik bu o‘zaro ta’sir etishda psixik obraz yarata olish qobiliyatining mavjudligi va shu asosda faollik ko‘rsatish bilan xarakterlanadi.

HARAKAT AKTSEPTORI - markaziy nerv sistemasining bo‘ladigan harakatlar natijasini belgilab beruvchi neyrodinamik modelidir. Bu model harakatlarning asosiy xarakteristikasini o‘z ichiga olib, harakatlarni boshqarishda ishtirok etadi (P.K.Anoxin).

ANALIZATOR - murakkab neyrofiziologik tizim bo‘lib, odamga ta’sir etuvchi qo‘zg‘alishlarni idrok etish va uni tahlil qilishni ta’minlaydi. Analizator retseptor, nerv yo‘llari, miya bilan bog‘lanadigan qismi va miyaning maxsus spetsifik bo‘limlarini o‘z ichiga oladi (I.P.Pavlov).

ANIMIZM - ibtidoiy jamoa davrida hukm surgan va tabiiy ob’ektlarni "ruh" kuchiga ega deb e’tirof etadigan oqim.

ASSOTSIATSIYA - psixik hodisalarning o‘zaro bog‘lanishi bo‘lib, ma’lum qonunlar bo‘yicha tarkib topadi (jumladan, fazodagi yondoshlik, xronologik, o‘xshashlik, qarama-qarshilik va boshqa assotsiatsiyalar).