Министерство высшего и среднего специального образования Республики Узбекистан

OLIY NERV FAOLIYATI TIPI (ONF TIPI) - oliy nerv faoliyat xususiyatlarining barqaror yig‘indisi (kuchi, vazminligi, harakatchanligi va boshqalar) bo‘lib, bu asosan nerv sistemasi xususiyatlarining yig‘indisi bilan aniqlanadi.

TEMPERAMENT - shaxsning yakka psixologik xususiyatlari majmui bo‘lib, bu kishi faoliyati va xulq-atvorining dinamik hamda emotsional tomonlari bilan xarakterlanadi.

FLEGMATIK - temperament tiplaridan bo‘lib, bu harakatlarning sekinligi, barqarorligi, emotsional holatlarning tashqi ko‘rinishlari kuchli emasligida namoyon bo‘ladi.

XARAKTER - kishidagi barqaror psixik xususiyatlarning individual birligi bo‘lib, bu shaxsning mehnatga, narsa va hodisalarga, boshqa kishilarga, atrofdagi muhitga va o‘z-o‘ziga bo‘lgan munosabatlarida ifodalanadigan uning muayyan sharoitlardagi xatti-harakatlarini belgilab beradigan barqaror, yakka psixik xususiyatlari yig‘indisidir.

XOLERIK - temperament tipi bo‘lib, bu emotsiyalarning jo‘shqinligi, kayfiyatning birdaniga tez o‘zgarib qolishi hissiyotning muvozanatsizligi va umuman harakatchanlik bilan ifodalanadi.

EKSTROVERTLIK - ayrim kishilarning xarakterini belgilab be- ruvchi xususiyat bo‘lib, bu kishining nihoyatda xushchaqchaqligi, ochiq ko‘ngilligi va boshqa kishilarga zavq bilan qarashlarida, ularga qiziqishlarida namoyon bo‘ladi.

TOPSHIRIQLAR