Минг бир саволга минг бир жавоб

55. С: “Техника” сўзининг маъноси нима?
Ж: Техника сўзи юнонча “Техниус” сўзидан олинган бўлиб, “Маҳорат ва санъат” деган маънони билдиради.
56. Авиа спорт турлари ҳақида нима биласиз?
Ж: Авиа спорт турларидан – самолёт спорти, планерли спорт, парашют спорти ҳамда авиамодел спорти. Халқаро Авиация спорти (ҲАС) 1905 йилда ташкил топган. ҲАС 1948 йилдан бери планерли спортдан ва бошқа турларидан ҳар икки йилда бир марта жаҳон биринчиликларини ўтказиб келмоқда.
57. С: Бадминтон спорт тури федерацияси қачон ва қаерда ташкил топган?
Ж: Бадминтон спорт тури федерацияси 1934 йили Лондон шаҳрида ташкил этилган.
58. С: “Бадминтон” спорттури учун майдон ўлчамлари ҳақида нимани биласиз?
Ж: Бадминтон спорт ўйини учун майдон тўртбурчак шаклида бўлиб, узунасига икки кишили 13 м40 см эни 6 м 10 смни ташкил этади. Бир кишилик ўйинлар учун эса узунаси 13 м40 см эни 5 м 18смни ташкил этади. Спорт майдонларига чизиладиган чизиқларнинг ўлчам 3,8 смдан ошмаслиги керак. Мусобақаларни ўтказиш учун “бадминтон” майдони 2 га бўлиниб, зангори сетка билан майдон қоқ ўртасидан бўлинади. Сетканинг оралиғидаги тешиклар 2 смни ташкил этади. Сетканинг узунлиги 6 м10 см, эни 76 см, сетканинг ердан баландлиги 1 м 52.4 смни ташкил этади. Умуман сетка 1 м 55 смли баландликка ўрнатилади.
59. С: “Волан” ҳақида нимани биласиз?
Ж: Бадминтон ўйинини берк хонада ўйнаш учун 4,7г дан 5,5 г оғирликдаги “волан” ишлатилади. Воланнинг атрофидаги патлар 14 донадан 16 донагача бўлади. Ҳақиқий ўйин учун ракеткадан отилган волан 13 м гача учиб бериши лозим.
60. С: “Бадминтон” ракеткалари ҳақида сўзлаб беринг.
Ж: “Бадминтон” ракеткалари “теннис” ракеткаларига ўхшаш бўлгани билан улардан анча енгил. Улар оғирлиги 130 грамм. Ракеткалар қосқонига оралари 0,6-0,8 мм бўлган махсус шнурлар тортилади.
61. С: Баскетбол ўйини ҳақида нима биласиз?
Ж: Баскетбол деган сўзнинг маъноси баскет – сават, бол – тўп деган маънони билдиради.