Минералларнинг тоғ жинсларидаги аҳамияти ва турлари

Опал – SiO2nH2O. Кремний оксидини ниҳоятда майда (субмикроскопик), коллоид шакли. Ранги оқ, сариқ, қизил, яшил, ҳаворанг ва қора бўлиши мумкин. Опални таркибида сувнинг миқдори 34% етиши мумкин Аммо ўртача олганда, қимматбаҳо опалларда сувни миқдори 6-10% гача етиб боради. Кўпинча зич, шишасимон уюмлар ҳолида учрайдиган минерал. Опал изотроп минерал ҳисобланади, аммо баъзи ичидаги қўшимталар атрофида қўш синдириш ҳоллари учрайди. Электрон микроскоп остида опаллар алоҳида шарсимон глобулалардан иборатлиги аниқланган. Коэсит - SiO2. Кремний оксидининг зич модификацияларидан бўлиб, биринчи марта сунъий равишда юқори босим (3500 атм) ва юқори ҳароратда (500-800о) Коэс, 1953) томонидан NaSiO3 ва (NH4)HPO4 бирикмаларидан олинган. Стишовит – SiO2. Тетрагонал сингонияли. Бу минерал кремний оксидининг жуда ҳам зич тури бўлиб (4,35 г/см3), у яна кучли босим 160000 атм ва юқори ҳароратда (1200-1400оС да) Г.Г.Стишов ва В.И.Попов (1961) томонидан сунъий равишда олинди. Табиий шароитда топилган эмас

Дала шпатлари (Na, Ca) AlSi3O8-(K,Na)AlSi3O8

• Дала шпатлар кимёвий таркибига кўра Na, K, Ca, камдан-кам ҳолларда Ba алюмосиликатларидир: Na[AlSi3O8] - альбит, K[AlSi3O8] - ортоклаз, Ca[Al2Si2O8] - анортит, Ba[Al2Si2O8] – цельзиан. натрий-кальцийли дала шпатлари Na[AlSi3O8]-(альбит, Ab), Ca[Al2Si2O8] – (анортит, An) узлуксиз бир-бири билан аралашган қаттиқ эритма берувчи қатордан иборат бўлиб, плагиоклазлар деб аталади;
• калий-натрийли дала шпатлари ҳам юқори ҳароратда K[AlSi3O8]-Na[AlSi3O8] узлуксиз қаттиқ эритма берувчи қаторни ҳосил қилишга қобилиятли бўлиб, секин-аста қотиш жараёнида калийли ва натрийли минералларга ажралади;
• калий-барийли дала шпатлари ҳам K[AlSi3O8]-Ba[Al2Si2O8] изоморф аралашмасидан иборат бўлиб, жуда кам учрайди ва цельзиан дейилади.

Дала шпатлар номенклатураси: Or – ортоклаз; Аb - альбит; An - анортит  

Плагиоклазлар [Na(AlSi3O8)]-[Ca(Aℓl2Si2O8)]

Минералнинг номи	Анортит молекуласи, % да		Плагиоклаз номери
	Ab	An
Альбит	100-90	0-10	0-10
Олигоклаз	90-70	10-30	10-30
Андезин	70-50	30-50	30-50
Лабрадор	50-30	50-70	50-70
Битовнит	30-10	70-90	70-90
Анортит	10-0	90-100	90-100