Minerallarning fizik xossalari

5. Minerallarning tasnifi

Tabiatda uchraydigan minerallar soni 4000 dan ortiqdir. O’zbekistonda uchraydigan minerallar soni 1500 dan ortiqdir. Yil sayin yangi minerallar topilmoqda. Minerallar ma`lum tabaqalanish (klassifikatsiya) asosida o’rganiladi. Quyidagi tabaqalanish turlari mavjud:
1. Kimyoviy klassifikatsiya – minerallarning kimyoviy tarkibiga asoslanadi.
2. Kristallokimyoviy tabaqalanish – mineralning kimyoviy tarkibiga va kristallografik strukturalariga asoslanadi.
3. Genetik tabaqalanish – minerallarning hosil bo’lish jarayoniga asoslanadi.
4. Geografik tabaqalanish hududiy xususiyatlariga asoslangan.
Masalan: Ural, Kavkaz, Muruntov, Qurama, Chotqol minerallari va hokazo.
5. Minerallarning xalq xo’jaligida ishlatilishiga qarab tabaqalanishi.
Masalan: qora metallurgiya rudalari: gematit (Fe₂O₃), magnetit (FeO, Fe₂O₃), siderit (FeCO₃), pirolyuzit (MnO₂), rangli metallurgiya rudalari: galenit (PbS), sfalerit (ZnS), xalkopirit (CuFeS₂) va boshqalar.
6. Geokimyoviy tabaqalash – minerallar tarkibidagi xarakterli elementlarga asoslanadi. Al, K, Ca, Cu, Mo, Na, Ni, Au, Fe, surma va boshqa kimyoviy unsurlarning minerallari.