Milliy o`zlikni anglash, millatlararo totuvlikni ta`minlash shaxs ma`naviyati belgilari

3-masala bayoni. Odil demokratik jamiyatni shakillantirishda siyosiy va iqtisodiy omillarning ahamiyati nihoyatda kattaligini e»tirof etgan holda, madaniy va ma’naviy omilga, ayniqsa huquqiy masalalariga alohida e’tibor qaratish lozim.

Jamiyatda yuksak ma’naviy fazilatlarni kamol toptirish aholini,ayniqsa, yoshlarni boy ma’naviy me’rosini, milliy va tarixiy an’analarimizga, umum insoniy qadriyatlariga hurmat, vatanga muhabbat, demokratiya va istiqlol g’oyalariga sadoqat ruhida tarbiyalash, yurtimizda kechayotgan islohatlarning hal qiluvchi omilidir. Ma’naviy makonda, xususan huquqiy madaniyat muhim o’rin tutadi.

Huquqiy madaniyat fuqarolik jamiyati ma’naviy kamolotining, davlatchilik binosi rivoji va huquqiy tizim etukligining muhim ko’rsatgichi hisoblanadi. Bu ijtimoiy hayot jarayonlariga faol tasir ko’satuvchi, fuqarolar barcha ijtimoiy guruhlarining jipslashuviga ko’maklashuvchi hamda mamlakat yahlitligi hamda barqarorligini ta’minlovchi va mustahkamlovchi qadriyatdir.

Demokratik ma’rifiy jamiyatda, bir tomondan, amaldagi qonunchilik, ikkinchi tomondan, davlat idoralari, jamoat va nodavlat tashkilotlari, mansabdor shaxslar hamda fuqarolarning faoliyati yuksak madaniyat mezonlariga, talablariga to’la muvofiq bo’lishi shart.

Huquqiy madaniyat shaxsning siyosiy-yuridik ijtimoiylashuvi natijasi, uning social tajribasi mahsulidir. Bunda ayniqsa, shaxsning yuridik muassasalar va huquqni muhofaza etuvchi mutassadi xodimlar faoliyati yuzasidan shakllangan fikri muhim ahamiyat kasb etadi.

Jinoyatchilik va korrupsiya jamiyatning ma’naviy-axloqiy asoslarini yemiradi. Jamiyat a’zolarining fuqarolik mavqeini yuqqa chiqaradi. Qonunni buzish, jinoyat sodir etish aksariyat hollarda ijtimoiy-siyosiy, madaniy va ma’naviy saviyaning shu jumladan, huquqiy madaniyatning pastligi oqibatida yuz beradi.

Huquqiy madaniyatning amaliy ahamiyati shundaki, u fuqarolar hamda huquqning boshqa sohiblari tomonidan qonunlarga (huquq normalariga) qat’iy rioya etilishiga salmoqli ta’sir etadi. Shuningdek ularning siyosiy-huquqiy faolligi darajasini ko’tarishda hal qiluvchi o’rin tutadi.

Aim.uz